Գորիում նախկին ոստիկանը սպանել է կնոջն ու զոքանչին, ապա ինքնասպան եղել

Կասպիի շրջանի Լամիսղանա գյուղում ևս կին է վիրավորվել։ ՆԳՆ-ից «Վրաստանի լուրերին» հայտնել են, որ Լամիսղանայում տեղի ունեցած միջադեպի հետաքննությունը սկսվել է ծանրացուցիչ հանգամանքներում սպանության փորձ կատարելու կասկածանքով։ Կալանավորվել է կնոջ ընտանիքի անդամը:

2022 թվականին Վրաստանում սպանվել է 21 կին, սպանության փորձ է արվել 19 կնոջ հանդեպ։

2021 թվականին արձանագրվել է կնոջ սպանության 22 և սպանության փորձի 31 դեպք։

2020 թվականին սպանվել է 24 կին։ Գրանցվել է կանանց սպանության փորձի 27 դեպք:

2019 թվականին արձանագրվել է կնոջ սպանության 19 և սպանության փորձի 22 դեպք։

Կանայք ամենից հաճախ սպանվում են իրենց ամուսինների կողմից։

Կնոջ դիտավորությամբ սպանությունը, որը կատարվել է ըստ գենդերի, ինչպես նաև ընտանեկան պատկանելիության, պատժվում է ազատազրկմամբ՝ 16-ից 20 տարի ժամկետով կամ ցմահ ազատազրկմամբ։

2014-2022 թվականներին սպանվել է 186 կին, 92 կին սպանվել է ընտանեկան պատճառներով, 94 կին`այլ պատճառներով։ Նույն ժամանակահատվածում կատարվել է կանանց սպանության 129 փորձ, որից 79-ը՝ ընտանեկան դրդապատճառներով, 50-ը՝ այլ պատճառներով։