Ուկրաինայի օրենսդիր մարմնում՝ Գերագույն ռադայում, օրինագիծ է գրանցվել, ըստ որի՝ Ուկրաինայում Грузія-ի փոխարեն Վրաստանը պետք է կոչվի Сакартвело։
Լրահոս
Ընթերցողի ընտրանի
- 1 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
- 6 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
Օրինագծի բացատրական գրառման մեջ ռադայի պատգամավորները նշում են, որ Сакартвело-ն իրական պատմական անվանումն է, իսկ Грузія-ն՝ խորհրդային (ռուսական) ուժեղ ազդեցության արդյունքում հաստատված ձևը։
«Грузія անվանումն օգտագործում են աշխարհի մոտ 20 երկրներ, այդ թվում՝ Ուկրաինան։ Այդ երկրների մեծ մասը հետխորհրդային տարածքից են կամ զգալի ազդեցություն են ունեցել Խորհրդային Միության կողմից։ Ռուսաստանում այսպես են անվանում Վրաստանին։ Грузія՝ այս կայսերական անունը՝ «Georgia» ռուսերենից թարգմանության արդյունք է։ «Сакартвело»` այսպես են վրացիներն անվանում իրենց երկիրը։
Ուկրաինան, որը միջազգային հարաբերությունների առանձին սուբյեկտ է, պատմականորեն բարեկամական հարաբերություններ է հաստատում Վրաստանի հետ և, հատկապես ռուսական ագրեսիայի ժամանակ, վերացնում է ռուսացման և գաղութատիրական քաղաքականության դրսևորումները, պետք է սկսի օգտագործել երկրի պատմական «Сакартвело» անվանումը և վրաց ժողովրդին կոչել « картвели»։
«Ուկրաինայի և Վրաստանի հարաբերությունները խորն են և բազմակողմանի, սակայն մերձեցման ուղղությամբ Ուկրաինայի ձեռնարկած քայլերից մեկը կարող է լինել Վրաստանի պատմական անվան պաշտոնական օգտագործումը»,- նշել են ռադայի անդամները։
Օրենքի նախագծով նախատեսվում է «Сакартвело» և «картвели» անվանումները օգտագործել ոչ միայն պաշտոնական մակարդակով, պաշտոնական նամակագրության և հարաբերությունների մեջ, այլ նաև զանգվածային լրատվության միջոցներում։
Օրինագիծը գրանցվել է Ուկրաինայի Գերագույն ռադայում մայիսի 26-ին՝ Վրաստանի անկախության օրը։ Այն ներկայացրել է ռադայի պատգամավոր Յավանա Կլիմպուս-Ցինցաձեն՝ «Եվրոպական համերաշխություն» կուսակցությունից, ով 2014-2019 թվականներին եղել է Ուկրաինայի փոխվարչապետը եվրո և եվրատլանտյան ինտեգրման հարցերով։ Օրինագծի նախաձեռնողների թվում է Օլեքսի Գոնչարենկոն։
Վրաստանի իսկական անվանումը պետական լեզվով 2018 թվականին սկսել է օգտագործել Լիտվան։ Այդ ժամանակից ի վեր Վրաստանը կոչվում է ոչ թե Gruzia, քանի որ այն նախկինում ստեղծվել է ռուսաց լեզվի ազդեցության տակ, այլ Sakartvelas։
