Ռուսական օրենքին աջակցող «Վրացական երազանքի» կազմակերպած «համընդհանուր հավաքին» Թբիլիսիի քաղաքապետ և իշխող կուսակցության գլխավոր քարտուղար Կախա Կալաձեն հանդես է եկել հակաարևմտյան հայտարարություններով։ Նրա թիրախը քաղաքացիական հասարակությունն էր։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Անցած մի քանի շաբաթները ևս մեկ անգամ հաստատեցին և ցույց տվեցին մեզ, որ «NGO»-ների համար հատկացված միջոցների ավելի քան 90%-ը ծառայում է Վրաստանում գործակալների հզորացմանը։ Պարզվեց, որ իբր թե գյուղատնտեսության, հաշմանդամների խնամքի կամ կովկասյան տան համար օգտագործվող միջոցների նույնիսկ ամենամեծ մասն իզուր չի ծախսվել։
Հենց իրենց պետք եկավ, այս բոլոր «NGO»-ները միասին դուրս բերեցին ու հակադրեցին ազգային շահերին։
...Նրանք մեզ ապացուցում են, որ «Էնջեոները» իրավունք ունեն փորձել Վրաստանում այնքան հեղափոխություն կազմակերպել, որքան ուզում են, և մենք նույնիսկ չպետք է հարցնենք նրանց փողերի ծագման մասին։
Եթե հերթական անգամ պլանավորեն հեղափոխություն, ապա կստացվի, որ վրաց ժողովուրդը նույնիսկ չպետք է իմանա, թե որտեղից են այդ միջոցները և ով է ֆինանսավորում այդ հեղափոխությունը։
Նրանք մեզ՝ վրացիներիս, ուղղակիորեն ասում են, որ մենք իրենց հետ գործ չունենք, և իրավունք չունենք իմանալու, թե ով է ֆինանսավորում մեր երկրում կեղծ-ազատական քարոզչությունը, ուղղափառ եկեղեցու վրա հարձակումները, թմրանյութերի քարոզչությունը, արմատականությունը, երկիրը կործանելու մշտական փորձը։ Նրանք մեզ ասում են, որ վրաց ժողովուրդը դա չպետք է իմանա, բայց մենք ոչ մի դեպքում թույլ չենք տա։
«Էնջեոների» և ԼԳԲՏ քարոզչության մասին օրենքներ ընդունելու մեր այսօրվա պայքարը իրականում ընդամենը երկու օրենք ընդունելու պայքար չէ։ Սա վճռական պայքար է Վրաստանի ինքնիշխանության, ազգային ինքնության ու շահերի պաշտպանության համար։
Ես ուզում եմ, որ բոլորն իմանան մեկ բան՝ թե՛ երկրի ներսում, թե՛ դրսում՝ Վրաստանը երբեք ոչ մեկի վասալը չի լինի։ ...մենք բոլորին, բացարձակապես բոլորին կապացուցենք, որ Վրաստանն արժանի է անկախության և ինքնիշխանության, առանց որի բոլոր պետական խնդիրները կորցնում են իրենց արժեքը»,- ասել է Կալաձեն։
2024 թվականի ապրիլի 3-ին «Վրացական երազանքը» կրկին օրակարգ բերեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ բազմահազարանոց բողոքի ակցիաներից հետո ետ կանչվեց, և եղավ խոստում, որ այն երբեք չի ընդունվի։ «Ռուսական օրենքը» պարտավորեցնում է անկախ լրատվամիջոցներին և ոչ կառավարական կազմակերպություններին, որոնք աշխատում են միջազգային կազմակերպությունների դրամաշնորհային աջակցությամբ և չեն վերահսկվում կառավարության կամ նրա հետ կապված խմբերի կողմից, գրանցվել որպես օտարերկրյա գործակալ։ 150-ից ավելի հասարակական և լրատվական կազմակերպություններ հայտարարություն են տարածել, որ ոչ մի դեպքում չեն գրանցվի «արժանապատվությունը ոտնահարող ռեգիստրում»։
Ապրիլի 15-ից Թբիլիսիում ամեն օր բողոքի զանգվածային ցույցեր են անցկացվում, իսկ երեկվա ցույցին տասնյակ հազարավոր մարդիկ են մասնակցել։ «Վրացական երազանքը» ապրիլի 22-ին հայտարարեց հակաակցիա անցկացնելու մասին, որի համար Վրաստանի բոլոր շրջաններից հավաքագրվել են բյուջետային կազմակերպություններում աշխատող մարդիկ։
