Գուրիայի շրջանում՝ Օզուրգեթիի մունիցիպալիտետի Նատանեբի համայնքի Ջափարեուլի գյուղում մոտ 65 տարեկան կին է մահացել։ Այս գյուղում նույնպես առատ ձյուն է տեղում, իսկ բնակչությունն այս պահին հոսանքազրկված է։
Լրահոս
Ընթերցողի ընտրանի
- 1 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 2 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 3 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 4 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 5 Բաթումիում գտնվող «Երազանքի քաղաքում» 2 երեխա է ընկել ջրով լի փոսը և մահացել
- 6 Մզիա Ամաղլոբելին բոլոր անարդարացիորեն ձերբակալվածների խիզախության խորհրդանիշն է․ Կալլաս և Կոս
Նատենեբի համայնքում քաղաքապետի ներկայացուցիչ Վալերիան Վաչեիշվիլին հաստատել է կնոջ մահվան մասին տեղեկությունը։ Նա ասել է, որ տարեց մոր հետ տանը գտնվող Ն.Կ.-ն, ամենայն հավանականությամբ, մահացել է կաթվածից։
Քաղաքապետի ներկայացուցիչը հայտնել է, որ կնոջ մահը կապված չէ առատ ձյան հետ։
«Ոչ շտապօգնության կանչ է եղել, ոչ էլ որևէ բան։ Մեքենան ամեն գյուղ կարող է հասնել, փոքր սեդանով չես կարող անցնել, ջիպերով էլ ամեն տեղ գնում են։ Այստեղ շատ ձյուն է, և մենք աշխատում ենք»,- ասում է Վալերիան Վաչեիշվիլին։
Նրա խոսքով՝ Նատանեբի համայնքի որոշ գյուղեր ունեն էլեկտրականություն, աշխատանքներ են տարվում Ջափարեուլիի էլեկտրամատակարարումը վերականգնելու ուղղությամբ։
Օզուրգեթիի, Լանչխութիի և Չոխատաուրիի մունիցիպալիտետներում, որտեղ ձյան ծածկը հասնում է երկու մետրի, բնակիչները օգնություն են խնդրում։
Նատանեբի համայնքի Զեմո Նատանեբի գյուղի բնակիչներն ասում են, որ դժվարանցանելի ճանապարհների պատճառով չեն կարողանում դուրս գալ իրենց տներից։ Մի ընտանիք, որն ունի երկու փոքր երեխա, մանկական սննդի կարիք ունի։
Գուրիայում ձյունը տասնյակ տների ավերածությունների պատճառ է դարձել։ Օզուրգեթիի Կոնչկաթի գյուղում մոտ 60 տարեկան տղամարդ է մահացել՝ օգնելով իր հարևանին մաքրել տանիքի ձյունը։
Բացի Գուրիայից, առատ ձյան տեղումները խնդիրներ են ստեղծել նաև Աջարիայում և Իմերեթիում։
«Վրացական երազանքի» կառավարությունն այսօր հայտարարել է, որ Պաշտպանության ուժերը ներգրավվելու են տուժած բնակչությանը օգնություն ցուցաբերելու գործընթացում։
Շրջակա միջավայրի ազգային գործակալության տվյալներով՝ Արևմտյան Վրաստանում մինչև փետրվարի 27-ը կպահպանվեն ծանր օդերևութաբանական պայմանները, տեղումները կշարունակվեն հիմնականում ձյան տեսքով։
