გურიაში, ოზურგეთის მუნიციპალიტეტში, ნატანების თემის სოფელ ჯაფარეულში 65 წლამდე ქალი გარდაიცვალა. ამ სოფელშიც დიდთოვლობაა და მოსახლეობას, ამ დროისთვის, ელექტროენერგია არ მიეწოდება.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 3 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 4 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 5 მოიპოვებენ თუ არა საქართველოში ტაილანდელი ქალებისგან კვერცხუჯრედებს იძულებით
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
ქალის გარდაცვალების შესახებ ინფორმაციას ნატენების თემში მერის წარმომადგენელი ვალერიან ვაჩეიშვილი ადასტურებს. მისი თქმით, ნ.კ., რომელიც სახლში ასაკოვან დედასთან ერთად იმყოფებოდა, სავარაუდოდ, ინსულტით დაიღუპა.
მერის წარმომადგენლის თქმით, ქალის გარდაცვალება დიდთოვლობას არ უკავშირდება.
„სასწრაფოში არ იყო დარეკილი და არაფერი. მანქანა ყველა სოფელში ახერხებს მისვლას, პატარა სედანით ვერ გაივლი და ჯიპი ყველგან დადის. ძალიან დიდი თოვლია ჩვენთან და ვმუშაობთ“, - ამბობს ვალერიან ვაჩეიშვილი.
მისივე თქმით, ნატანების თემის სოფლების ნაწილს აქვს ელექტროენერგია, ხოლო ჯაფარეულში დენის მიწოდების აღსადგენად სამუშაოები მიმდინარეობს.
ოზურგეთის, ლანჩხუთისა და ჩოხატაურის მუნიციპალიტეტებში, სადაც თოვლის საფარი ორ მეტრს აღწევს, მოსახლეობა დახმარებას ითხოვს.
ნატანების თემის სოფელ ზემო ნატანებში ადგილობრივები ამბობენ, რომ უგზოობის გამო სახლებიდან გამოსვლას ვერ ახერხებენ. ერთ-ერთ ოჯახს, რომელსაც ორი მცირეწლოვანი ჰყავს, ბავშვების საკვები სჭირდება.
თოვლმა გურიაში ათობით სახლის ნგრევა გამოიწვია. ოზურგეთის სოფელ კონჭკათში 60 წლამდე კაცი დაიღუპა იმ დროს, როდესაც მეზობელს სახურავის თოვლისგან გაწმენდაში ეხმარებოდა.
გურიის გარდა, დიდთოვლობამ პრობლემები შექმნა აჭარასა და იმერეთშიც.
„ქართული ოცნების“ მთავრობაში დღეს განაცხადეს, რომ დაზარალებული მოსახლეობის დახმარების პროცესში თავდაცვის ძალები ჩაერთვებიან.
გარემოს ეროვნული სააგენტოს ინფორმაციით, 27 თებერვლამდე დასავლეთ საქართველოში რთული მეტეოროლოგიური პირობები შენარჩუნდება - კვლავ მოსალოდნელია ნალექი, უმეტესად თოვლის სახით.
