Նինիգորիի վարչական միավորում Լագոդեխիի քաղաքապետի (այսպես կոչված գյուղի լիազոր) նախկին ներկայացուցիչ Թոռնիկե Ցիցվիձեն ձերբակալվել է պետությանը պատկանող գույքը խարդախությամբ ձեռք բերելու, խարդախությամբ ձեռքբերմանն օժանդակելու և պաշտոնեական կեղծիք կատարելու մեղադրանքով։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Ըստ Պետական անվտանգության ծառայության՝ հետաքննությամբ պարզվել է, որ Թոռնիկե Ցիցվիձեի կեղծ տեղեկանքների հիման վրա քաղաքացիները խաբեությամբ տիրացել են պետական և մասնավոր սեփականություն հանդիսացող 1 746 934 լարի արժողությամբ 37 864 քմ հողատարածքի։ Բացի այդ, ըստ ՊԱԾ-ի տեղեկությունների՝ Թոռնիկե Ցիցվաձեն մի խումբ անձանց հետ խաբեությամբ տիրացել է 105 199 լարի արժողությամբ 1 928 քմ հողատարածքի։
Հակակոռուպցիոն գործակալությունը հետաքննում է գործը։ Մեղավոր ճանաչվելու դեպքում Թոռնիկե Ցիցվիձեին, ով քաղաքապետի ներկայացուցչի պաշտոնը զբաղեցրել է 2019-2022 թվականներին, սպառնում է 6-ից 9 տարվա ազատազրկում։
Համաձայն Վրաստանի 2023 թվականի նոյեմբերի 15-ի «Համաներման մասին» օրենքի՝ անձը ազատվում է քրեական պատասխանատվությունից, եթե նա պետությանը վերադարձնի խարդախությամբ ձեռք բերված հողամասը կամ փոխհատուցի համարժեք արժեքը, եթե հողամասը օտարվում է բարեխիղճ գնորդին։ Նշված օրենքը չի տարածվում պետական պաշտոնատար անձանց կողմից կատարված հանցագործությունների վրա։
Պետական անվտանգության ծառայությունը նշում է, որ քաղաքապետի ներկայացուցչի օգնությամբ խաբեությամբ պետական սեփականություն հանդիսացող հողատարածքներին տիրացած քաղաքացիները տեղեկացվել են, որ «Համաներման մասին» օրենքի պահանջները կատարելու դեպքում քրեական պատասխանատվության չեն ենթարկվի։
