Հակակոռուպցիոն բյուրոն Facebook սոցիալական ցանցում գովազդի համար կծախսի 30 000 լարի, որը կազմում է մոտ 10 000 դոլար։ Պետական գնումների գործակալությունը բավարարել է բյուրոյի ղեկավար Ռաժդեն Կուպրաշվիլիի դիմումը պարզեցված գնումների իրականացման վերաբերյալ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Կուպրաշվիլիի խոսքով՝ Հակակոռուպցիոն բյուրոյի մասին իրազեկվածությունը բարձրացնելու համար անհրաժեշտ է գովազդել ֆեյսբուքյան պաշտոնական էջը և դրանում տեղադրված նորությունները։
«Գնման նպատակն է լուսաբանել 2025 թվականին Վրաստանի Հակակոռուպցիոն բյուրոյի կողմից նախատեսված աշխատանքային հանդիպումները ինչպես Վրաստանում, այնպես էլ տարբեր երկրներում։ Հակակոռուպցիոն հարցերի վերաբերյալ հանրային իրազեկվածության բարձրացմանն ուղղված կոնֆերանսներն ու նախագծերը նույնպես պետք է լուսաբանվեն»,- բացատրում է Կուպրաշվիլին։
Նամակում նշվում է, որ Facebook-ն ունի ամենամեծ թվով օգտատերեր Վրաստանում, այդ իսկ պատճառով նպատակահարմար է ավելացնել նշված ցանցի միջոցով տարածվող տեղեկատվության հասանելիությունը, ավելի շատ օգտատերերի ներկայացնել այս կամ այն թեմայի վերաբերյալ տեղեկատվություն, որը տրամադրվում է գովազդի օգտագործման միջոցով։
Բյուրոն գնումները պետք է իրականացնի աստիճանաբար՝ 2025 թվականի հունվարի 20-ից մինչև դեկտեմբերի 31-ը։
Հակակոռուպցիոն բյուրոյի ղեկավարը 2024 թվականի սկզբին դիմել էր պետական գնումների գործակալություն նույն հիմնավորմամբ։ Դեռ այն ժամանակ գործակալությունը թույլտվություն էր խնդրում Facebook-ում գովազդի համար ծախսել 30 հազար լարի։
Հակակոռուպցիոն բյուրոն ստեղծվել է 2022 թվականի վերջին, որի ղեկավարը նշանակվում է վարչապետի կողմից 6 տարի ժամկետով։ 2024 թվականի հոկտեմբերի 26-ի խորհրդարանական ընտրություններից առաջ Ռաժդեն Կուպրաշվիլին «Թրանսփարենսի Ինթերնեշնլ-Վրաստան»-ը և «Ընտրիր Եվրոպա»-ն, ինչպես նաև նրանց առաջնորդներին ու հիմնադիրներին ճանացեց որպես «հայտարարված ընտրական նպատակ ունեցող սուբյեկտներ»։ Կուպրաշվիլին վարչապետ Իրակլի Կոբախիձեի հորդորից հետո ստիպված եղավ չեղարկել իր որոշումը քննադատության պատճառով։
Խորհրդարանական ընտրություններից հետո Հակակոռուպցիոն բյուրոն սահմանափակել է պաշտոնյաների գույքային հայտարարագրերի հասանելիությունը։ Ըստ «Տեղեկատվության ազատության զարգացման ինստիտուտի» տեղեկատվության՝ 2010 թվականից ի վեր առաջին անգամ հանրությունը հասանելիություն չունի հայտարարագրերի կայքին։ Բյուրոն այս հարցը չի պարզաբանել։
