ანტიკორუფციული ბიურო სოციალურ ქსელ Facebook-ში რეკლამისთვის 30 ათას ლარს დახარჯავს, რაც დაახლოებით 10 ათასი დოლარია. გამარტივებული შესყიდვის განხორციელების შესახებ ბიუროს უფროსის, რაჟდენ კუპრაშვილის მიმართვა სახელმწიფო შესყიდვების სააგენტომ დააკმაყოფილა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 სოზარ სუბარი პოლიციელების ხელფასების 20%-ით გაზრდას ითხოვს
- 4 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 5 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 6 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
კუპრაშვილის განმარტებით, ანტიკორუფციულ ბიუროს ცნობადობის გაზრდის მიზნით ოფიციალური „ფეისბუქ“ გვერდისა და მასზე განთავსებული სიახლეების პოპულარიზება ესაჭიროება.
„შესყიდვის მიზანია სსიპ ანტიკორუფციული ბიუროს მიერ, 2025 წლის განმავლობაში დაგეგმილი სამუშაო შეხვედრების როგორც საქართველოს მასშტაბით, ასევე სხვადასხვა ქვეყნებში გაშუქება. ასევე უნდა გაშუქდეს კონფერენციები და პროექტები, რომლებიც მიზნად ისახავს ანტიკორუფციული საკითხების მიმართულებით საზოგადოების ცნობადობის გაზრდას“, - განმარტავს კუპრაშვილი.
წერილში აღნიშნულია, რომ Facebook-ს საქართველოში ყველაზე მეტი მომხმარებელი ჰყავს, რის გამოც მიზანშეწონილია აღნიშნული ქსელით გავრცელებული ინფორმაციის ხელმისაწვდომობის გაზრდა, ამა თუ იმ თემატიკის ინფორმაციის მეტი მომხმარებლისთვის გაცნობა, რასაც რეკლამირების მომსახურებით სარგებლობა უზრუნველყოფს.
ბიურომ შესყიდვები 20 იანვრიდან ეტაპობრივად, 2025 წლის 31 დეკემბრის ჩათვლით უნდა განახორციელოს.
ანტიკორუფციულმა ბიუროს ხელმძღვანელმა იდენტური შინაარსის დასაბუთებით სახელმწიფო შესყიდვების სააგენტოს 2024 წლის დასაწყისშიც მიმართა. უწყება მაშინაც Facebook-ში რეკლამისთვის 30 000 ლარის დახარჯვის ნებართვას ითხოვდა.
ანტიკორუფციული ბიურო 2022 წლის ბოლოს შეიქმნა და მის უფროსს პრემიერ-მინისტრი 6 წლის ვადით ნიშნავს. 2024 წლის 26 ოქტომბრის საპარლამენტო არჩევნების წინ, რაჟდენ კუპრაშვილმა „საერთაშორისო გამჭვირვალობა - საქართველო“ და „აირჩიე ევროპა“, ასევე მათი ხელმძღვანელები და დამფუძნებლები, „გაცხადებული საარჩევნო მიზნის მქონე სუბიექტებად“ გამოაცხადა. კუპრაშვილს საკუთარი გადაწყვეტილების გაუქმება მოუწია მას შემდეგ, რაც კრიტიკის გამო, ამაზე პრემიერ-მინისტრმა ირაკლი კობახიძემ მიუთითა.
საპარლამენტო არჩევნების შემდეგ, ანტიკურუფციულმა ბიურომ თანამდებობის პირთა ქონებრივ დეკლარაციებზე წვდომა შეზღუდა. „ინფორმაციის თავისუფლების განვითარების ინსტიტუტის“ ინფორმაციით, საზოგადოებას დეკლარაციების ვებგვერდზე წვდომა 2010 წლის შემდეგ პირველად არ აქვს. ამ საკითხზე ბიუროს განმარტება არ გაუკეთებია.
