ՀՀ կառավարությունը հավանություն է տվել «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագծին։ Վարչապետ Նիկոլ Փաշինյանն ասել է, որ դրա հաստատումը «բառի բուն իմաստով չի նշանակում Հայաստանի անդամակցություն Եվրամիությանը», և հարցի վերաբերյալ որոշում կարող է կայացվել միայն հանրաքվեի միջոցով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Ինչպես հայտնում են տեղական լրատվամիջոցները, օրենքի նախագիծը այսօր՝ հունվարի 9-ին, կառավարության նիստում ներկայացրել է արտաքին գործերի նախարար Արարատ Միրզոյանը։
«Որպես քաղաքացու նախաձեռնություն՝ Հայաստանի՝ Եվրամիությանն անդամակցության գործընթաց սկսելու մասին օրենքի նախագիծը ներկայացվել է խորհրդարանի քննարկմանը, և այժմ կառավարությունը պետք է իր դիրքորոշումը հայտնի։ Առաջարկում ենք դրական դիրքորոշում հայտնել»,- ասել է Միրզոյանը։
Արտգործնախարարի խոսքով՝ վերջին տարիներին Հայաստանն ու Եվրամիությունը բավականին ինտենսիվ ու դինամիկ հարաբերություններ են ունեցել, որոնք ընդգրկել են տարբեր ոլորտներ։ Արարատ Միրզոյանը նշել է, որ Եվրամիությունը ամուր քաղաքական աջակցություն է հայտնել Հայաստանում ժողովրդավարությանը, ինչպես նաև պատրաստակամություն է հայտնել օգնել նրան ամրապնդելու տնտեսական կայունությունը։
«Եվրամիությունն ունի շատ հարուստ ժողովրդավարական ավանդույթներ, ամուր ժողովրդավարական ինստիտուտներ, ազատ մրցակցային միջավայր, ժամանակակից տնտեսություն և զարգացած գիտություն։
Պարոն վարչապետ, Եվրոպական խորհրդարանում դուք հայտարարել եք, որ Հայաստանը պատրաստ է մոտ լինել ԵՄ-ին այնքան, որքան ԵՄ-ն դա հնարավոր կհամարի: Մենք այդ հնարավոր լինելու նշաններն էլ ենք տեսել: Նկատի ունեմ և վիզաների ազատականացման մեկնարկը, և մի շարք այլ գործիքներ, որոքն կիրառվել են կամ քննարկվում են ԵՄ-ի հետ: Ելնելով այս ամենից՝ առաջարկում ենք դրական պատասխան տալ»,- ասել է ԱԳ նախարարը։
Կառավարության ղեկավար Նիկոլ Փաշինյանը նշել է, որ Հայաստանը Եվրամիության անդամ կդառնա միայն այն դեպքում, եթե հանրաքվե անցկացվի, և անդամակցությունը կողմ քվեարկի հանրաքվեի մասնակիցների այն թիվը, որը սահմանված է սահմանադրությամբ։
«Կառավարությունը դեմ չէ այս օրենքի ընդունմանը, բայց ուզում եմ նաև նշել, թե դա ինչ է նշանակում։ Սա չի նշանակում Հայաստանի անդամակցություն Եվրամիությանը՝ բառիս բուն իմաստով, քանի որ այս կետին հասնելը կամ այս հարցի վերաբերյալ որոշում կայացնելը չի կարող լինել օրենքի մակարդակով կամ նույնիսկ կառավարության որոշում լինել։ Որոշում կարող է կայացվել միայն հանրաքվեի միջոցով, այլ տարբերակ չկա։
Ես կարծում եմ, որ այս օրենքի ընդունումից հետո մենք պետք է Եվրոպական Միության հետ քննարկենք այն ճանապարհային քարտեզը, որը իրենք կներկայացնեն, և որը մենք կներկայացնենք։ Մենք միասին ճանապարհային քարտեզ պետք է մշակենք»,- ասել է Նիկոլ Փաշինյանը։
Խորհրդարան օրենսդրական նախաձեռնություն ներկայացնելու գաղափարը պատկանում է «Ժողովրդավարական ուժերի» հարթակին, որում ընդգրկված են «Հանուն Հանրապետության» կուսակցությունը, «Հայաստանի Եվրոպական կուսակցությունը», «Հանրապետություն» կուսակցությունը և «Ազատ քաղաքացի» ՀԿ-ն։ Նրանք հավաքել են 60 հազար ընտրողների ստորագրություն՝ ի պաշտպանություն օրինագծի:
