Հայաստանի վարչապետ Նիկոլ Փաշինյանը պաշտոնական այցով ժամանել է Թբիլիսի։ Նա հանդիպել է Վրաստանի կառավարության ղեկավար Իրակլի Կոբախիձեի հետ, որից հետո կողմերը հանդես են եկել համատեղ մամուլի ասուլիսով, թեև չեն պատասխանել լրագրողների հարցերին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Իրակլի Կոբախիձեի խոսքով՝ նա շնորհակալություն է հայտնել Նիկոլ Փաշինյանին իր պատմական որոշման համար՝ աջակցելու Աբխազիա և Ցխինվալիի շրջան բռնի տեղահանվածների վերադարձի մասին ՄԱԿ-ի բանաձևին։
«Այս որոշումն էլ ավելի կամրապնդի մեր երկու երկրների հարաբերությունները։ Նաև հանդիպմանը շնորհակալություն եմ հայտնել իմ գործընկերոջը մեր երկրի ինքնիշխանությանն ու տարածքային ամբողջականությանը աջակցելու համար»,- նշել է Կոբախիձեն։
Իրակլի Կոբախիձեի խոսքով՝ Վրաստանը աջակցում է Հարավային Կովկասում կայունությանը և խաղաղ գոյակցությանը.
«Վրաստանը ողջունում է Հայաստանի և Ադրբեջանի միջև խաղաղության համաձայնագրի գործընթացը և մասնավորապես Հայաստանի իշխանությունների ջանքերը՝ ուղղված հարևան երկրների հետ հարաբերությունների կարգավորմանը։ Մենք պատրաստ ենք մեր դերը խաղալ տարածաշրջանում խաղաղության ու կայունության ապահովման գործում՝ իհարկե մեր հնարավորությունների սահմաններում»։
Իր հերթին վարչապետ Նիկոլ Փաշինյանը հայտարարել է, որ Վրաստանի և Հայաստանի միջև առկա համագործակցությունը «գործնական արտացոլումն է այն ըմբռնման, թե ինչպիսին պետք է լինեն տարածաշրջանի երկրների հարաբերությունները, որոնք պետք է հիմնված լինեն փոխադարձ հարգանքի, ընդհանուր շահերի և առողջ տնտեսական մրցակցության վրա»։
«Մենք հնարավորություն ունեցանք քննարկելու տարածաշրջանում կայուն խաղաղության հասնելու հետ կապված մի շարք հարցեր։ Ես իմ գործընկերոջը ներկայացրել եմ Հայաստան-Ադրբեջան հարաբերությունների կարգավորման գործընթացի վերաբերյալ վերջին տեղեկատվությունը։ Շուրջ երկու տարվա բանակցություններից հետո Հայաստանին և Ադրբեջանին հաջողվել է համաձայնության գալ խաղաղության պայմանագրի 80%-ի շուրջ։ Ադրբեջանին առաջարկվել է հաստատել դիվանագիտական հարաբերություններ և լուծել բոլոր մյուս կարևոր հարցերը, որոնք երկուստեք հետաքրքրություն են ներկայացնում»,- ասել է Փաշինյանը։
Հայաստանի վարչապետի խոսքով՝ ինքը ակնկալում է, որ հայ-վրացական սահմանի սահմանազատման հարցում ապագայում առաջընթաց կարձանագրվի։ «Մենք ընդհանուր դիրքորոշումներ ենք հայտնել այդ կապակցությամբ»,- ասել է նա։
Նիկոլ Փաշինյանն այս տարի երկրորդ անգամ է պաշտոնական այցով Վրաստանում։ Հունվարին նա և Վրաստանի այն ժամանակվա վարչապետ Իրակլի Ղարիբաշվիլին ստորագրեցին երկու երկրների միջև «Ռազմավարական գործընկերության մասին հուշագիր»։
