Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ

Մինչ այդ «Թրանսփարենսի Ինթերնեշնլ-Վրաստանի» ղեկավար Էկա Գիգաուրին խոսել է այն մասին, որ չնայած տարիներ շարունակ ընթացող «ծանր ապատեղեկատվական արշավին», Վրաստանի բնակչության մեծամասնությունը կրկին կողմ է երկրի ինտեգրմանը Եվրամիությանը և ՆԱՏՕ-ին։

Հանձնաժողովի լսումների ժամանակ սենատոր Ռիշը հետաքրքրվել է, թե ինչո՞ւ Վրաստանում կան զգալի թվով մարդիկ, որոնք «կարծես ցանկանում են վերադառնալ կոմունիստական ​​և սոցիալիստական ​​ապրելակերպին, որը Ռուսաստանում էր»:

«Մենք տեսնում ենք այս հետընթացը, որը մենք իսկապես չենք հասկանում: Ես նկատի ունեմ, որ դուք 4 միլիոնից քիչ բնակչություն ունեցող երկիր եք, և կարծես զգալի շարժում կա դեպի ռուսական կառավարման ձև և ռուսական ռեպրեսիաներ: Մենք պարզապես չենք հասկանում: Դուք ազատվեցիք Ռուսաստանից և ինչու է երկիրը նույն ճանապարհով նահանջում։ Մենք նայում ենք Վրաստանին և համեմատում այն ​​երեք մերձբալթյան երկրների հետ, գիտեք, նրանք նույնպես փոքր երկրներ են՝ երկուսը 1․5 միլիոն, մեկը՝ 2․5 միլիոն։ Մեր օգնությունն են ուզում, ոչ մի կերպ չեն ուզում Ռուսաստանի հետ կապ ունենալ։ Այստեղ է Վրաստանը, որտեղ Ռուսաստանը ներխուժեց և գրավեց նրա երկու տարածքները, նա խոստացավ հեռանալ, բայց դեռ չի հեռացել, դեռ օկուպացված է պահում այս տարածքները»,- նշել է սենատորը։

Սեպտեմբերի 12-ին Սենատի արտաքին հարաբերությունների հանձնաժողովը լսումներ է անցկացրել «ՀԿ-ների դեմ օրենքները և դեմոկրատական ​​ռեպրեսիայի այլ գործիքները» խորագրով: Նիստին խոսվել է նաև «Վրացական երազանքի» կողմից ընդունված այսպես կոչված «օտարերկրյա գործակալների» մասին ռուսական օրենքի վերաբերյալ։