2023 թվականի առաջին վեց ամիսներին Վրաստան է այցելել 2 860 117 միջազգային ճանապարհորդ։ Միջազգային այցելությունների քանակով առաջին տեղում Թուրքիան է՝ 582 527 այցելությամբ։ Նախորդ տարվա նույն ժամանակահատվածի համեմատ աճը կազմում է 122․2%։ Ռուսաստանի Դաշնությունից ժամանել է 577 632 միջազգային այցելու, ինչը 133․7%-ով, կամ 330 483-ով ավելի է 2022 թվականի հունվար-հունիսի տվյալներից։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Զբոսաշրջության ազգային վարչության կողմից այսօր հրապարակած վիճակագրության համաձայն, Ռուսաստանին և Թուրքիային հաջորդում են՝ Հայաստանը՝ 397 116 միջազգային այցելու, Իսրայելը՝ 106 530, Ադրբեջանը՝ 85 777 և Ուկրաինան՝ 67 040։
Այս տարվա հունվար-հունիսին Եվրոպական միության երկրներից և Մեծ Բրիտանիայից միջազգային այցելուների այցելությունների թիվը կազմել է 161 881։ 2022 թվականի նույն ժամանակահատվածի համեմատ աճը կազմում է 66%։
Այս տարի միջազգային այցելուների մեծ մասը՝ 1 721 870 մարդ, Վրաստան է մուտք գործել ցամաքային սահմանով, իսկ 786 148-ը՝ օդային։
Ընդհանուր 2 860 117 միջազգային այցելություններից 1 930 483-ը զբոսաշրջային այցելություն է, 599 034-ը՝ մեկօրյա: 330 600 այցելություն համարվել է այլ, ոչ զբոսաշրջային այց։
Զբոսաշրջության ազգային վարչությունը նշում է, որ միջազգային ճանապարհորդների այցելությունների առումով նախահամաճարակային շրջանի տվյալները վերականգնվել են 74%-ով, իսկ միջազգային զբոսաշրջային այցելությունների մասով՝ 90․8%-ով։
