ՆԳՆ տեղեկատվության համաձայն՝ այս տարվա սկզբից թմրանյութերի հետ կապված հանցագործությունների մեղադրանքով ձերբակալվել է 270 մարդ, որից 27-ը թմրավաճառներ են։ Ձերբակալված են Վրաստանի, Իրանի, Թուրքիայի, Հայաստանի, Հորդանանի, Ռուսաստանի, Ղազախստանի, Ուկրաինայի, Բելառուսի, Իրաքի և Նիդերլանդների քաղաքացիներ։ Նրանց սպառնում է մինչև 20 տարի կամ ցմահ ազատազրկում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Ձերբակալվածների թվում կան թմրավաճառներ, որոնք թմրամիջոցներ էին վաճառում ավանդական ձեռքից ձեռք փոխանցման եղանակով։ Բացի այդ, ձերբակալվել են այսպես կոչված դնողներ, որոնք օգտագործում էին տարբեր վայրերում թմրանյութեր տեղադրելու մեթոդը: Ձերբակալվածների թվում կան նաև սահմանով ապօրինի թմրանյութ ներկրող անձինք, որոնք երկիր են բերել տարբեր տեսակի թմրամիջոցներ», - ասել է Կենտրոնական քրեական ոստիկանության վարչության տնօրեն Թեյմուրազ Կուպատաձեն։
Ամբողջ երկրում առգրավվել են թմրամիջոցներ և հոգեմետ դեղեր՝ «Հերոին», «Կոկաին», «Սուբոտեքս» «Հաշիշ», «Մդմա», «Ալֆա-ՊՎՊ», «Սուբոքսին», «Լսդ» «Ամֆետամին», Էքստազ», «Մետադոն», «Մեֆեդրոն» և թմրանյութ պարունակող բույս՝ «Մարիխուանա»։
Այսօրվա ճեպազրույցում Թեյմուրազ Կուպատաձեն պարզաբանում է տվել վերջին շրջանում ԶԼՄ-ներում հայտնված դեպքերի և երկրում թմրամիջոցների հետ կապված իրավիճակի վերաբերյալ հասարակության մեջ ծագած հարցերի շուրջ։
«Այսօրվա իրականության մեջ տեխնոլոգիական զարգացմանը զուգընթաց թմրամիջոցների վաճառքը տեղափոխվել է համացանցային տարածք։
Թմրամիջոց օգտագործողների հետ շփումը տեղի է ունենում ինտերնետի միջոցով՝ առանց ֆիզիկական շփման: Նշված եղանակով ներկված թմրանյութը արհեստական սինթետիկ թմրամիջոց է, որն օգտագործողների մոտ մահացու հետևանքներ է առաջացնում։ Շատ դեպքերում թմրավաճառները երիտասարդներին ներգրավում են առանցքային սխեմայի մեջ, նրանք տարբեր մեթոդներով գովազդում են թափուր աշխատատեղեր առցանց տարածքում և առաջարկում բարձր աշխատավարձ:
Ուզում եմ նշել, որ վերոնշյալ գործունեությունը ծանր հանցագործություն է։ Սա չի նշանակում միայն տարբեր վայրերում թմրամիջոցների տեղադրում, այլ նաև թմրամիջոցների վաճառք, որի համար պատիժը շատ խիստ է, և հարյուրավոր մարդիկ նման գործերով քրեական պատասխանատվության են ենթարկվել։
Միաժամանակ համալիր հետաքննության շրջանակում շարունակաբար իրականացվում է թմրամիջոցների ապօրինի շրջանառության արդյունքում ապօրինի ձեռք բերված բանկային հաշիվներում առկա կանխիկ գումարի և անշարժ գույքի հետախուզում և առգրավում։
Բացի այդ, ուզում եմ ընդգծել, որ մենք անընդհատ իրականացնում ենք այսպես կոչված Դարքնեթում և տարբեր Telegram ալիքներում առցանց խանութների հայտնաբերում, ստացված տեղեկատվության մշակում, հսկիչ գնումների իրականացում և տարբեր օպերատիվ-հետախուզական միջոցառումների իրականացում։ Նաև տեխնոլոգիական հնարավորությունների սահմաններում արգելափակված և չեղարկվում են նշված Telegram ալիքները և այլ առցանց խանութները»,- ասել է Թեյմուրազ Կուպատաձեն։
Ինչպես նշել է նա, ժամանակ է պահանջվում ապացույցներ գտնելու, տվյալների մշակման և փորձաքննություններ անցկացնելու համար՝ նմանատիպ սխեմաներում ներգրավված թմրավաճառներին պատասխանատվության ենթարկելու համար:
