ԵՄ արտաքին գործերի և անվտանգության հարցերով բարձր ներկայացուցիչ Ջոզեֆ Բորելի խոսքով՝ արտաքին գործերի խորհրդի նիստում իր առաջարկը կլինի սառեցնել Վրաստանի կառավարության համար նախատեսված 100 միլիոն եվրոյի օգնությունը և այդ գումարը հատկացնել քաղաքացիական հասարակության կազմակերպություններին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Այսօր բոլորը քննարկում են Վրաստանի մասին, որպեսզի կոնկրետ որոշումներ կայացվեն։
Առաջարկում եմ դադարեցնել կառավարությանը բաժին ընկնող ծրագրերի մի զգալի մասի աջակցությունը։ Ավելի քան 100 մլն եվրո կսառեցվի և կառավարությանը հատկացնելու փոխարեն կտրվի քաղաքացիական հասարակության կազմակերպություններին։ Այսպիսով, մենք կվերցնենք այս գումարը՝ մոտ 100 միլիոնը, և կտանք քաղաքացիական հասարակության կազմակերպություններին, որպեսզի աջակցենք նրանց արդար ընտրությունների համար պայքարում։
Վրաստանի ժողովուրդը կունենա Եվրամիության շարունակական աջակցությունը»,- Արտաքին գործերի խորհրդի նիստի մեկնարկից առաջ ասել է Ջոզեֆ Բորելը։
Նա այսօր նաև նշել է, որ Եվրամիությանը Վրաստանի անդամակցության գործընթացը կասեցված է և այդպես կմնա այնքան ժամանակ, քանի դեռ Վրաստանի կառավարությունը «չի վերադարձել իր ճանապարհին»։
«Հետագծին վերադառնալու համար շատ բան պետք է փոխվի, և այդ ընթացքում մենք կօգտագործենք կառավարությանը հատկացված գումարները ազատության համար պայքարող մարդկանց համար», - ասել է Բորելը։
Եվրամիության բարձր ներկայացուցիչն ուշադրություն է հրավիրել ընտրությունների հետաքննության կարևորության վրա։ Նրա խոսքով, «կատարվածը պետք է ամբողջությամբ գնահատել»։
«Չի կարելի ասել, որ ընտրություններն ազատ ու արդար չեն եղել, և չհետաքննել։ Մենք ի սկզբանե խնդրել ենք իշխանություններին պարզաբանել ժողովրդի բողոքների հետ կապված ամեն ինչ։ Այսպիսով, ակնհայտ է, որ պետք է լինի հետաքննություն, և ակնհայտորեն պետք է լինի հաշվետվողականություն», - ասել է Ջոզեֆ Բորելը:
Այսօր՝ նոյեմբերի 18-ին, Բրյուսելում տեղի է ունենում Արտաքին գործերի խորհրդի նիստը, որը վարում է Ջոզեֆ Բորելը։ Քննարկվելիք գլխավոր հարցերից մեկը հոկտեմբերի 26-ին կայացած խորհրդարանական ընտրությունների ֆոնին Վրաստանում ստեղծված իրավիճակն է։
Խորհրդի աշխատանքի մեկնարկից առաջ խորհրդարանական ընտրություններում ընտրական շեմը հաղթահարած չորս ընդդիմադիր կուսակցությունները նամակ են հղել Բորելին և ԵՄ երկրների արտաքին գործերի նախարարներին։ Նրանք կարծում են, որ ԵՄ-ն պետք է անհապաղ քայլեր ձեռնարկի Վրաստանի կառավարության վրա ճնշում գործադրելու համար։
