«Ի՞նչ եք կարծում, ինձ ի՞նչը պետք է վախեցնի, թեկուզ դատախազության հիշատակումը։ Ի՞նչը պիտի ինձ հոգնեցնի, ի՞նչը պիտի ստիպի ինձ հեռանալ այս երկրից, դրա հույսը չուենաք։ Ո՞վ պետք է խանգարի ինձ կատարել իմ խոստումը։ Ինչպես ժամանակին ես հանեցի ռուսական բազաները այս երկրից և, ի դեպ, նրանք էլ ինձ համար դատավարություն կազմակերպեցին, հիմա էլ հավատարիմ կմնամ իմ խոսքին ու երդմանը և կնվիրվեմ այս երկրին, նրա անկախությանը, իր ժողովրդի ազատությանը մինչև վերջ կերկրպագեմ՝ դեպի Եվրոպա ճանապարհին»,- ասել է Վրաստանի նախագահ Սալոմե Զուրաբիշվիլին խորհրդարանում, որտեղ քննարկվում է նրա իմփիչմենթի հարցը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Վրացական երազանք» կառավարող կուսակցության նախագահ Իրակլի Կոբախիձեն ավելի վաղ ակնարկել էր նախագահի հնարավոր քրեական պատասխանատվության մասին։
«Վաղն էլ կխախտի, ի՞նչն է խանգարելու։ «Ազգային շարժման» հույսը կրկին ունի։ Միակ բանը, որի վրա նա չի կարող հույս դնել, դա դատախազությունն է, քրեական հետաքննությունը։
«Չգիտեմ՝ իրավական տեսանկյունից կդժվարանամ պատասխան տալ, բայց Սահմանադրական դատարանի որոշման լույսի ներքո ապագա Սահմանադրության խախտումները կարող են արդեն իսկ քրեական հանցագործության նշաններ ունենալ, թեև ինձ համար դժվար կլինի խոսել այդ մասին»,- ասել է Կոբախիձեն։
Հոկտեմբերի 16-ին Սահմանադրական դատարանը հրապարակեց որոշումը, որով 6 կողմ, 3 դեմ ձայներով պարզվեց, որ Վրաստանի նախագահը խախտել է Սահմանադրությունը՝ առանց կառավարության համաձայնության հանդիպելով ԵՄ երկրների առաջնորդների հետ։ Նախագահին պաշտոնանկ անելու համար անհրաժեշտ է 100 պատգամավորի ձայն, որը «Վրացական երազանքը» չունի։ Ընդդիմությունը չի աջակցում նախագահի իմփիչմենթին։
Նախագահն այսօր խորհրդարանում իմփիչմենթի հարցը քննարկելիս ասաց, որ ինքը չի խախտել Սահմանադրության ո՛չ էությունը, ո՛չ ոգին։
«Եթե ինձ չեք հավատում, կարող եք ստուգել և զանգահարել Ֆրանկ-Վալտեր Շտայնմայերին, Շառլ Միշելին, Էմանուել Մակրոնին կամ նույնիսկ Ալար Կարիսին, Էդգարս Ռինկևիչին, Գիտանաս Նաուսեդային... Սրանք այն առաջնորդներն են, որոնցից կախված է մեզ կարգավիճակի շնորհումը, և պետք է ասել, որ իմփիչմենթի այս գործընթացով դուք վիրավորում եք ոչ միայն ինձ, այլև այս ղեկավարներին և երկիրը մղում դեպի մեկուսացում։ Զարմանալի է նաև, որ այս պահին, և այս հակադրությունը շատ բան է խոսում, դուք մեծ ակնածանքով եք վերաբերվում օկուպանտ երկրին և նրա ղեկավարներին, ավելին, բացահայտորեն արժանանում եք օկուպանտների գովասանքին, և նաև անհարմար չեք զգում, նույնպես այն բանից անհարմար չեք զգում, որ օկուպանտ երկրի ներկայացուցիչների և ձեր կոչերը ճիշտ համընկնում են»,- ասել է Սալոմե Զուրաբիշվիլին։
Նրա խոսքով՝ ինքը ոչինչ չի սպասում «այսօրվա ֆարսից»։ «Ես լավ գիտեմ, որ որոշումն արդեն կայացված է, ինչ-որ տեղ վերևում, կուսակցության բարձրագույն ոլորտներում, կամ ինչ-որ տեղ հյուսիսում, որտեղ շատ լավ գիտեն, թե ովքեր երբեք իրենց ճանապարհը չեն բացելու այս երկրում և դեմ կկանգնեն իրենց ամենուր և ամեն պահին։
«Միակ բանը, որը պետք է որոշվի, այս քվեարկության արդյունքն է, և դա նույնպես կախված չէ ձեզանից, այլ նրանից, թե քանի հոգի կարող եք հավաքել՝ ում կոմպրոմատով, ում կաշառք տալով և ում որդուն առաջ տանելով: (Այստեղ, օգտվելով առիթից, ցանկանում եմ շնորհավորել Սահմանադրական դատարանի դատավոր Կիկիլաշվիլիին՝ իր որդու հաջողության համար): Կամ օգտագործելով ուրիշի քարտը՝ որով կարողացաք հաղթահարել վետոներից մեկը»,- ասել է նախագահն իր ելույթում։
