Նոյեմբեր-դեկտեմբերին Վրաստանի ոչ լեգիտիմ իշխանությունը Քութայիսի քաղաքում, Թետրիծղարոյի, Խոբիի, Չխորոծղուի, Մառնեուլիի և Ծղալտուբոյի մունիցիպալիտետներում գտնվող պետական սեփականություն հանդիսացող 29 116 քառ․մ հողատարածքները խորհրդանշական գնով՝ 1 լարիով, հանձնել է Ուղղափառ եկեղեցուն։
Լրահոս
Ընթերցողի ընտրանի
- 1 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 2 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 3 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 4 Զատուլինը գովաբանում է «Վրացական երազանքի» կառավարությանը «պրագմատիզմի» համար
- 5 Գերագույն դատարանի ցմահ դատավոր Շալվա Թադումաձեն նշանակվել է ներքին գործերի փոխնախարար
- 6 Եթե Իվանիշվիլին իրականացնի դեկտեմբերի 29-ի ծրագիրը, նա պետք է սպասի անհավանական պատասխանի․ Ուիլսոն
Դեկտեմբերի 2-ին Իրակլի Կոբախիձեի ստորագրած հրամանագրով Վրաստանի Առաքելական ինքնավար ուղղափառ եկեղեցուն Թեթրիծղարոյի մունիցիպալիտետի Մանգլիսի ավանում փոխանցել է 3 194 քառ.մ ոչ գյուղատնտեսական նշանակության հողամաս՝ դրա վրա գտնվող շենքերով և շինություններով։
Դեկտեմբերի 2-ին հրապարակված մեկ այլ հրամանագրով Խոբիի մունիցիպալիտետի Պիրվելի մայիսի գյուղի եկեղեցուն 1 լարիով տրվել է 12 183 քառ.մ ոչ գյուղատնտեսական նշանակության հողամաս։ Բացի այդ, Պետական գույքի ազգային գործակալությանը համաձայնություն է տրվել եկեղեցուն հանձնել նույն գյուղում գտնվող 3 877 քառ.մ ոչ գյուղատնտեսական նշանակության հողամաս՝ վրան առկա շինություններով։
Ոչ լեգիտիմ կառավարության դեկտեմբերի 2-ի հրամանագրերով եկեղեցուն խորհրդանշական գնով հատկացվել է Չխորոծղուի մունիցիպալիտետի Ճողա գյուղում գտնվող 3 125 քառ.մ և Քութայիսի քաղաքում գտնվող Իրակլի Աբաշիձեի պողոտայի թիվ 27 հարակից տարածքում գտնվող 296 քառ.մ ոչ գյուղատնտեսական նշանակության հողամասերը։
Մեկ լարիով Ուղղափառ եկեղեցուն հողատարածքներ է փոխանցվել նաև նոյեմբեր ամսին։ Կոբախիձեն նոյեմբերի 22-ին հրամանագիր է արձակել, համաձայն որի եկեցուն է փոխանցվել Մառնեուլիի մունիցիպալիտետի Յալղուջա գյուղում գտնվող 10.000 քառ.մ ոչ գյուղատնտեսական նշանակության հողամասը, իսկ նոյեմբերի 18-ի հրամանագրով՝ Ծղալտուբոյի մունիցիպալիտետի Օփշկվիթ գյուղում գտնվող 318 քառ․մ հողամասը։
Տարբեր տվյալներով՝ Վրաստանի ուղղափառ եկեղեցին, որն ամեն տարի ֆինանսավորվում է պետական բյուջեից տասնյակ միլիոնավոր լարիով, ունի ավելի քան 62 քառ․կմ տարածք։
