Խորհրդարանի իրավական հարցերի հանձնաժողովը հաղթահարել է այսպես կոչված «օտարերկրյա գործակալների» մասին ռուսական օրենքի վրա դրված նախագահի վետոն և հավանություն է տվել երրորդ ընթերցմամբ ընդունված օրենքի նախագծին։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Հանձնաժողովի նիստում «Վրացական երազանքի» պատգամավորները նախագահի խորհրդարանական քարտուղար Գիորգի Մսխիլաձեից, ով ներկայացրել է վետոյի մոտիվացված դիտողությունները, համառորեն պնդում էին քննարկել օրենքի նախագիծը հոդված առ հոդված, ինչից նա հրաժարվել է։ Այդ պատճառով խորհրդարանական մեծամասնության ներկայացուցիչները բազմիցս բանավոր վիրավորել են նախագահի խորհրդարանական քարտուղարին։
«Պարոն Գիորգի, արդեն լսել ենք, որ ձեր ներկայացրած անձն արդեն որոշել է պատմության մեջ մտնել ամոթալի տառերով։ Հասկացե՞լ եք, որ ներկայացնում եք փաստացի հինգերորդ շարասյունը, որն ուղարկվել է երկիր՝ սեփական երկիրը վաճառելու նպատակով, թե՞ Ուչայի (նկատի ունի Ուչա Աբաշիձեի քրեական գործը) կադրերի ազդեցությունը ձեր վրա է գործադրվում։ Ի տարբերություն ձեր ու ձեր ղեկավարի, եթե այս երկիրը պատերազմի առաջ կանգնի, մենք մեզ կզոհենք, ի տարբերություն ձեզ, որ կոնֆորմիստական կերպով կփախչեք «Եվրոպաներ» և Ֆրանսիա, և այն, ինչ հիմա անում եք, կշրջվի երկրի դեմ»,- դիմել է «Վրացական երազանքի» պատգամավոր Նինո Ծիլոսանին նախագահի խորհրդարանական քարտուղարին։
Գիորգի Մսխիլաձեի խոսքով՝ օրենքի էությունը, սկզբունքները և բովանդակությունը չեն համապատասխանում Վրաստանի Սահմանադրությանը, երկրի եվրաինտեգրման գործընթացին, Եվրամիության հիմնական նորմերին և արժեքներին։
«Ընդունված օրենքը խարխլում է քաղաքացիական հասարակության և անկախ լրատվամիջոցների աշխատանքը, խարանում և վարկաբեկում է հասարակական կազմակերպություններին, անվստահություն, վախ և թշնամանք է առաջացնում նրանց նկատմամբ հասարակության մեջ։ Սահմանափակվում են քաղաքացիական հասարակության և լրատվամիջոցների ազատ գործունեությունը, ֆինանսական ռեսուրսների հասանելիությունը։ Օրենքում օգտագործվող «օտար տերության շահերը կրող կազմակերպություն» եզրույթը նրանց հրապարակային խարանման պատճառ է դառնում։ Միևնույն ժամանակ, կառավարության վերահսկողությունը, հաշվետվության և այլ պարտավորությունների սահմանումը, էական տուգանքների հետ մեկտեղ, ստեղծում են բոլոր նախադրյալները կազմակերպությունների գործունեությունը խաթարելու և դրանք վերջնականապես չեղարկելու համար»,- ասել է նախագահի խորհրդարանական քարտուղարը։
«Վրացական երազանքի» անդամները նախագահի ոչ մի փաստարկ հաշվի չեն առել։
«Այն, ինչ այսօր տեսանք այստեղ, նախագահի ինստիտուտի տեսանկյունից տխուր էջ կլինի, ստացվում է, որ հարցը պետք է ներկայացվի առանց բովանդակային քննարկման։ Մենք հնարավորինս կոռեկտ էինք, ամեն ինչ արեցինք, որ քննարկումը լինի բովանդակալից ու գործնական։ Եկել էր ներկայացուցիչ և ոչ կոմպետենտ անձնակազմ։ Այս առումով, երբ մենք կոնկրետ հարցեր տվեցինք, նա նույնիսկ համարձակություն չունեցավ մեր հասարակության համար կոնկրետ հարցերի պատասխանել։ Ուստի այս օրն իսկապես ամոթալի օր է լինելու նախագահի վարչակազմի, կոնկրետ անձանց, ոչ բոլորի համար, իհարկե, և այն մարդու համար, ում դեռ նախագահ են անվանում»,- ասել է իրավական հարցերի հանձնաժողովի նախագահ Անրի Օխանաշվիլին։
«Վրացական երազանքը» պատրաստվում է մայիսի 28-ի լիագումար նիստում քննարկել վետոյի հաղթահարման հարցը։ Դրա համար անհրաժեշտ է 76 պատգամավորի աջակցություն, որն ունի իշխող կուսակցությունը։ Վետոյի հաղթահարումից հետո խորհրդարանը կրկին կքվեարկի և կընդունի օրինագծի սկզբնական տարբերակը։ Եթե նախագահը նորից չի ստորագրում օրենքը, ապա այն ստորագրում է խորհրդարանի նախագահը։ Հրապարակումից հետո օրենքը համարվում է ընդունված։
