Ալավերդիի միտրոպոլիտ Դավիթն ասում է, որ երեկվա պտտահողմից հետո Ալավերդիի վանական համալիրում «արտակարգ իրավիճակ» է։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 4 Ռուսաստանը կանոնավոր չվերթներ է սկսել դեպի օկուպացված Աբխազիա
- 5 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
- 6 Ճիաթուրայում ձերբակալվել է ցույցի մասնակից 4 հանքափոր․ նրանց սպառնում է մինչև 6 տարվա ազատազրկում
«Ցերեկը վանքը զննելուց հետո կարող եմ վստահորեն ասել, որ իրավիճակն արտառոց է։ Ոչ մի տանիք չի պահպանվել։ Բոլոր տանիքները վնասված են։ Բացի այդ, երբ ներքև եք նայում գմբեթի վրա, որտեղ թիթեղը պոկել է, փորձագետները պետք է զննեն, քանի որ պտտահողմի ազդեցությունը շատ մեծ է եղել, և նրանք պետք է որոնեն անտեսանելի ճաքեր: Զանգակատան տանիքը, որը նախկինում վերականգնման ու ամրացման կարիք ուներ, տեղաշարժվել է։ Մնացածը՝ ենթակառուցվածքը, եթե վանքի ներսում ինչ-որ բան կար, այլ բառ չեմ գտնում, ավերվել է, և դա վերաբերում է վանքի բոլոր շենքերին ու շինություններին»,- ասել է միտրոպոլիտը։
Ալավերդիի վանական համալիրի մոտակայքում երեկ՝ երեկոյան ժամը 6-ի սահմաններում, պտտահողմ է տեղի ունեցել։ Տեղացիների խոսքով՝ պտտահողմը առաջացել է թեմի խաղողի այգիների տարածքից և անցել մշակութային ժառանգության հուշարձանի կարգավիճակ ունեցող տաճարի մոտով, գմբեթից պոկել խաչը, վնասել տանիքը։
Մշակութային ժառանգության պահպանության գործակալության տվյալներով՝ վնասվել է գմբեթի թիթեղյա ծածկը, վնասվել է տաճարի հարավային լանջի տանիքը, կոտրվել են տաճարի արևմտյան կողմի գմբեթի ապակիները և վնասվել են զանգակատան թիթեղյա տանիքները, եպիսկոպոսական պալատի կղմինդրե տանիքները, քանդվել է պալատի պատշգամբը։
Աղետի ժամանակ մի քանի մարդ է տուժել։ Նրանք գտնվել են այն մեքենայի մեջ, որը պտտահողմի հետևանքով գլխիվայր շրջվել է։
Վնասվել են նաև խաղողի այգիները։ «Բադագոնի» գինեգործական ընկերության հիմնադիր Գիորգի Սալակաիան ասել է, որ մոտ 10 հա խաղողի վազեր «ամբողջովին պոկվել են»։
