აბბა ალავერდელი მიტროპოლიტი დავითი ამბობს, რომ გუშინდელი ქარბორბალის შემდეგ, ალავერდის სამონასტრო კომპლექსში არსებული მდგომარეობა „საგანგებოა“.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
„დღის შუქზე მონასტრის დათვალიერების შემდეგ, თამამად შემიძლია ვთქვა, რომ მდგომარეობა არის საგანგებო. არც ერთი სახურავი არ არის გადარჩენილი. ყველა სახურავი არის დაზიანებული. გარდა ამისა, ქვემოდან როცა უყურებთ, რომ გუმბათის კარავს მოხსნილი აქვს თუნუქი, სპეციალისტებმა უნდა ნახონ, რადგან დარტყმა ქარბორბალის ძალისა იყო ძალიან დიდი და ამიტომ უნდა ინახოს, ხომ არ არის რაიმე თვალით უხილავი ბზარები. დაძრულია სამრეკლოს სახურავი, რომელიც აქამდეც საჭიროებდა რესტავრაციას და გამაგრებას. სხვა დანარჩენი - ინფრასტრუქტურა, თუ რაიმე იყო მონასტრის შიგნით - სხვა სიტყვას ვერ ვპოულობ, არის იავარქმნილი და ეს ეხება მონასტრის ყველა შენობა-ნაგებობას“, - განაცხადა მიტროპოლიტმა.
ალავერდის სამონასტრო კომპლექსს ქარბორბალამ გუშინ, დაახლოებით საღამოს 6 საათზე გადაუარა. ადგილობრივების ინფორმაციით, ქარბორბალა იმ ადგილზე წარმოიშვა, სადაც ეპარქიის ვენახებია გაშენებული და კულტურული მემკვიდრეობის ძეგლის სტატუსის მქონე ტაძრის სიახლოვეს ჩაიარა, გუმბათიდან ჯვარი მოგლიჯა, დააზიანა გადახურვა.
კულტურული მემკვიდრეობის დაცვის სააგენტო ინფორმაციით, გადახდილია გუმბათის თუნუქის საფარი, ტაძრის სამხრეთ კალთაზე დაზიანებულია ლორფინის სახურავი, ჩამსხვრეულია ტაძრის დასავლეთი მხარის და გუმბათის სარკმლები, დაზიანებულია სამრეკლოს თუნუქის და საეპისკოპოსო სასახლის კრამიტის სახურავები, ჩამოშლილია სასახლის აივანი.
სტიქიისას დაშავდა რამდენიმე ადამიანი - ისინი იმ მანქანით გადაადგილდებოდნენ, რომელიც ქარბორბალამ გადაატრიალა.
დაზიანებულია ვენახებიც. ღვინის კომპანია „ბადაგონის“ დამფუძნებელმა, გიორგი სალაყაიამ განაცხადა, რომ დაახლოებით 10 ჰექტრამდე ვაზი „მთლიანად მოწყვეტილია“.
