Իշխանությունը տապալեց դատական համակարգում կոռուպցիան ուսումնասիրող քննիչ հանձնաժողովի ստեղծումը

Եթե ​​քվորում լիներ, ապա քննիչ հանձնաժողովը ձևավորելու համար անհրաժեշտ էր առնվազն 50 ձայն, որն առանձին կարող էր ապահովել ընդդիմությունը։

Քննիչ հանձնաժողովի ձևավորման մասին որոշման նախագիծը ընդդիմադիր պատգամավորները գրանցել էին նախորդ տարվա դեկտեմբերին, սակայն այն քվեարկության է դրվել երեկ՝ ապրիլի 18-ին։

«Բարեփոխումների խմբի» նախագահ Խաթունա Սամնիձեն նախագիծը ներկայացնելիս նշել է, որ այս հարցը հատկապես արդիական է դարձել այն բանից հետո, երբ Ամերիկայի Միացյալ Նահանգները պատժամիջոցներ է կիրառել երեք ներկա և մեկ նախկին դատավորների նկատմամբ։ Սամնիձեի խոսքով՝ անհրաժեշտ է, որ Վրաստանը արձագանքի գործընկեր երկրի այս որոշմանը։

«Մենք՝ ընդդիմությունը, կարծում ենք, որ սրա պատասխանը կլինի քննիչ հանձնաժողովի ստեղծումը և հանձնաժողովի շրջանակներում՝ դատարանում բոլոր համակարգային խնդիրների ուսումնասիրությունը։ Եվրոպական միության թեկնածու երկրի կարգավիճակ ստանալու 12 կետից բաղկացած առաջարկությունների հարցերից մեկը, որտեղ մեր եվրոպացի գործընկերները հիմնարար բարեփոխումների անհրաժեշտություն են տեսնում, դատական ​​համակարգն է և դրա անկախությունը։

2012-ին, գործող իշխանության նախընտրական ծրագրում կարևոր խնդիրներից էր դատական ​​համակարգի հզորացումը՝ այն պետք էր ազատել քաղաքական ճնշումներից։ Ցավոք սրտի, դա տեղի չունեցավ։ Մենք ստացանք ազդեցիկ խմբեր՝ դատարանում: Այս հանձնաժողովի ստեղծումը միայն ընդդիմության օրակարգը չէ։ Սա երկրի օրակարգն է»։

«Վրացական երազանքի» անդամները դեմ են արտահայտվել քննիչ հանձնաժողովի ստեղծմանը: Իրակլի Քադագիշվիլիի խոսքով՝ ընդդիմությունը խոսում է կոնկրետ անունների ու ազգանունների մասին, որոնք «շատ վնասված են PR-ի ու իմիջի առումով»։

«Սա հիմա չի սկսվել։ Մինչև 2012 թվականը Գվիրգվլիանիի գործով դատարանում որոշ մարդկանց անուն-ազգանուններ էին հայտնվում: Եթե ​​ավելի խորը մտածենք այս անվան ու ազգանվան հիմքում ընկած գործընթացների մասին, որպեսզի Գիրգվլիանիի գործը համապատասխան ընթացք ունենա, կգանք խորհրդարան, քանի որ խորհրդարանն այնպիսի օրենքներ է ընդունել, որ դատարանը հնարավորություն է ունեցել համապատասխան որոշումներ կայացնել Գիրգվլիանիի գործով։ Սա հաշվի առնենք»։

«Վրացական երազանքի» մի շարք պատգամավորներ ասել են, որ ընդդիմության՝ քննիչ հանձնաժողով ստեղծելու նպատակը դատարանի անկախությանը միջամտելն է։

«Կտրականապես անընդունելի է, ամեն ինչ պետք է արվի, որպեսզի ոչ մեկին հնարավորություն չտրվի ստեղծել միանգամայն վնասակար պրակտիկա, քննիչ հանձնաժողովը վերածել դատական ​​համակարգի հաշվեհարդարի մեխանիզմի։ Սա կխաթարի դատական ​​համակարգի անկախությունը»,- ասել է Մարդու իրավունքների պաշտպանության կոմիտեի նախագահ Միխեիլ Սարջվելաձեն։

Իրավական հարցերի հանձնաժողովի նախագահ Անրի Օխանաշվիլիի խոսքով՝ «Վրացական երազանքը» կհամարեր, որ ընդդիմությունը օբյեկտիվ որոշում կայացնելու նպատակ ունի, եթե պահանջեր նաև «Ռուսթավի 2» հեռուստաընկերության գործով քննիչ հանձնաժողով ստեղծել։

«Դուք սրանով ուզում եք ծածկել Ստրասբուրգի դատարանի որոշումները, որտեղ բոլոր հիմնական քաղաքական գործերի հետ կապված, որտեղ դուք ասում էիք, որ դրանք կողմնակալ են, քաղաքականացված, Ստրասբուրգի դատարանը որոշել է, որ վրացական արդարադատությունը կայացրել է օբյեկտիվ և արդար որոշում։ Ելնելով այս ամենից՝ դուք օբյեկտիվ չեք և ձեր միակ նպատակն է խարխլել դատարանի ինքնիշխանությունն ու անկախությունը, ինչը ձեզ թույլ չենք տա»,- ասել է Օխանաշվիլին։

Մեծամասնության առաջնորդ Իրակլի Կոբախիձեն ընդդիմությանը մեղադրել է հակապետական ​​գործողությունների և ԵՄ թեկնածու երկրի կարգավիճակը ստանալուն խոչընդոտելու մեջ։ Նրա խոսքով՝ դատարանի դեմ արշավը «բազմաթիվ ստի վրա է կառուցված»։

«Ճշմարտությունն այն է, որ դատական ​​համակարգում իրավիճակը ոչ միայն կտրուկ բարելավվել է, այլև բոլոր համակարգային խնդիրները վերացվել են։ Երբ կեղծ արշավ է իրականացվում դատարանի դեմ, դա անշուշտ կվնասի եվրաինտեգրման գործընթացին։ Երբ նախաձեռնում ես այս քարոզարշավի ուժեղացմանն ուղղված բանաձևի նախագիծ, իհարկե, հերթական անգամ փորձում ես խոչընդոտել թեկնածուի կարգավիճակին։ Սա ձեր սխալը չէ։ Սա ձեր գիտակցված հակապետական ​​քաղաքական քայլն է։

Դուք դիմադրում եք պետությանը` փորձելով խթանել ստի արշավը դատական ​​համակարգի դեմ: Իհարկե, չի կարելի, և ոչ ոք թույլ չի տա, թեկուզ չնչին չափաբաժնով վերականգնել «Ազգային շարժման» վերահսկողությունը դատական ​​համակարգի վրա: Ոչ ոք թույլ չի տա, որ դատարանի անկախությունը խախտվի: Ոչ ոք թույլ չի տա, որ կոնկրետ դատավորների անկախությունը խախտվի: Մեր դիրքորոշումը լինելու է շատ սկզբունքային»։

Մենք՝ քաղաքական իշխանություններս, կարող ենք միայն երկու բան անել դատական ​​համակարգի հետ կապված. մեկը օրենքներ ընդունելը, համապատասխան իրավական դաշտը մշակելը, մյուսը՝ դատական ​​իշխանության անկախությունը պաշտպանելը։ Նկատի ունենալով երկրորդ ասպեկտը՝ ի շահ դատական ​​իշխանության անկախության պաշտպանության, մենք կցանկանայինք առաջարկել կոնկրետ ակտ՝ սա դատական ​​իշխանության անկախության աջակցության ակտն է։ Սա մեր սահմանադրական սկզբունքն է, որը պետք է պաշտպանվի, և դա մեր քաղաքական համերաշխության ակտն է վրացի դատավորների նկատմամբ։ Մենք՝ խորհրդարանական մեծամասնությունը, որոշել ենք չգրանցվել նիստին»,- ասել է Կոբախիձեն։