Խորհրդարանի լիագումար նիստում ընդդիմադիր պատգամավոր Տարիել Նակաիձեն ռուսական օրենքի հաստատմանն աջակցող «Վրացական երազանքի» անդամներին համեմատել է Սերգո Օրջոնիկիձեի հետ։ Քվեարկությունից առաջ արված այս հայտարարության պատճառով մեծամասնության անդամները Նակաիձեի հասցեին վիրավորական հայտարարություններ են արել։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Դիմում եմ կառավարությանը, իշխող կուսակցությանը, վերջապես մի վաճառեք Վրաստանի ազատությունն ու եվրոպական ապագան։ Ընդունելով ռուսական օրենքը՝ մի կործանեք մեր նախնիների դարավոր ձեռքբերումները, ովքեր զոհաբերեցին իրենց ամենաթանկ կյանքը, որպեսզի Վրաստանը լինի ազատ, անկախ և եվրոպական ընտանիքի անդամ։
Եթե այսօր ստորագրեք երկրի վերջնական կործանումը, ձեր անունն ու ազգանունը դարերով կհիշատակվեն Օրջոնիկիձեի ազգանվան կողքին։ Մի արեք այսպես, կգա ժամանակը, և դուք կամաչեք նայել ձեր երեխաների և թոռների աչքերին»,- ասել է Տարիել Նակաիձեն։
Չնայած բազմահազարանոց շարունակական բողոքի ակցիաներին և միջազգային գործընկերների կոչերին՝ այսօր «Վրացական երազանքը» 84 կողմ, 30 դեմ ձայներով ընդունեց ռուսական օրենքը։
Օրենսդիր մարմնի մոտ ընթանում է բողոքի ակցիա։ Օրենքի երրորդ՝ վերջնական ընթերցմամբ ընդունմանը քաղաքացիները դիմավորեցին վանկարկումներով՝ «ստրուկներ» և «ռուսներ»։
Խորհրդարանի մոտ մոբիլիզացված են ՆԳՆ հարյուրավոր աշխատակիցներ։
