Թբիլիսիում, խորհրդարանի դիմաց ոստիկանությունը վարչական կարգով ձերբակալել է բողոքի ակցիայի 43 մասնակցի։ ՆԳՆ-ն նրանց մեղադրում է ոստիկանի պահանջին չենթարկվելու և մանր խուլիգանության մեջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 5 Edison. Էգզիթ փոլի և ԿԸՀ-ի արդյունքների միջև 13% տարբերությունը վկայում է մանիպուլյացիայի մասին
- 6 Չորս ընդդիմադիր կուսակցությունների ներկայացուցիչները հանդիպել են նախագահ Զուրաբիշվիլիի հետ
Բացի այդ, ՆԳՆ-ից հայտնում են, որ հետաքննություն է սկսվել Քրեական օրենսգրքի երկու հոդվածներով՝ 353-րդ պրիմա հոդվածը վերաբերում է ոստիկանի կամ հանրային հիմնարկի վրա հարձակմանը, իսկ 187-րդ հոդվածի երկրորդ մասը վերաբերում է ուրիշի գույքի ոչնչացմանը կամ հրկիզմանը։
Ներքին գործերի նախարարության տարածած հայտարարության մեջ նշվում է, որ ցույցի մասնակիցների «ապօրինի ու բռնի գործողությունների արդյունքում» տուժել է գերատեսչության 32 աշխատակից։
«Տուժածներից ոմանք գլխի, աչքի և մարմնի ծանր վնասվածքներ ունեն։ Նրանցից 13-ին անհրաժեշտ է եղել վիրաբուժական միջամտություն։ Մինչ այս բուժհաստատությունում մնում է մեկ իրավապահ»,- հայտնում են ՆԳՆ-ից։
Հատուկ ջոկատայինները սկսել են ցրել խաղաղ բողոքի ցույցը գիշերը ժամը 2-ի սահմաններում։ Ցուցարարների դեմ հատուկ միջոցներ, այդ թվում՝ ջրցան մեքենաներ և այսպես կոչված պղպեղի սփրեյ է օգտագործվել։ Հանրային պաշտպանի գնահատմամբ՝ ՆԳՆ-ն խախտել է հավաքների ազատությունը, քանի որ քաղաքացիներին հատուկ միջոցներով ցրելու պահին ակցիան ունեցել է խաղաղ բնույթ։
Ցրելու ժամանակ հատուկ ջոկատայինները ֆիզիկական բռնության են ենթարկել տասնյակ քաղաքացիների։ Նրանք միտումնավոր հարձակվել են լրագրողների վրա, ովքեր կատարում էին իրենց մասնագիտական պարտքը և փորձում էին լուսաբանել բռնությունները։
ՆԳՆ-ն նշում է, որ հավաքի մասնակիցները չեն ենթարկվել ոստիկանների ցուցումներին, նրանց բանավոր վիրավորել են և ֆիզիկապես բախման մեջ մտել։
Գիշերվա ընթացքում բողոքի ակցիայի մասնակիցները Ռուսթավելիի պողոտայում անհայտ իրեր են այրել, բարիկադներ կանգնեցրել, վնասել Թբիլիսիի քաղաքապետարանի և մասնավոր անձանց գույքը, ոստիկանների ուղղությամբ նետել ապակե շշեր, քարեր, երկաթե իրեր և պիրոտեխնիկա։ Վերոհիշյալ բռնի գործողությունները կանխելու համար ՆԳՆ-ն անցած գիշեր բազմիցս կիրառել է օրենքով թույլատրված հատուկ միջոցներ։ Մինչ հատուկ միջոցների կիրառումը, հանդիպման մասնակիցները տեղում նախազգուշացվել են»,- հայտնում են ՆԳՆ-ից։
Ռուսթավելիի պողոտայում բողոքի ակցիան սկսվել է նոյեմբերի 28-ի երեկոյան և շարունակվել մինչև նոյեմբերի 29-ի առավոտ։ Քաղաքացիներն ու ընդդիմադիր կուսակցությունների առաջնորդները սկսեցին հավաքվել խորհրդարանի մոտ այն բանից հետո, երբ ոչ լեգիտիմ վարչապետ Իրակլի Կոբախիձեն բնակչությանը տեղեկացրեց «Վրացական երազանքի»՝ Եվրամիությանն անդամակցելու գործընթացը կասեցնելու որոշման մասին։ Կոբախիձեի խոսքով՝ մինչև 2028 թվականի վերջը անդամակցության շուրջ բանակցությունների բացման հարցը օրակարգ չի դրվի և իրենք կհրաժարվեն ԵՄ բյուջետային դրամաշնորհներից։ Նախագահ Սալոմե Զուրաբիշվիլին նշված որոշումը գնահատել է որպես «սահմանադրական հեղաշրջման» վերջնական կետ և ասել, որ ոչ լեգիտիմ կառավարությունը պատերազմ է հայտարարել իր ժողովրդին։
