Ոստիկանությունը ձերբակալել է «Հանուն փոփոխությունների կոալիցիայի» առաջնորդներից, «Ախալի» կուսակցության հիմնադիր Նիկա Գվարամիային։ Ձերբակալված է նաև «Գիրչի՝ ավելի շատ ազատություն» կուսակցության անդամ Գելա Խասաիան։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 3 Չորս ընդդիմադիր կուսակցությունների ներկայացուցիչները հանդիպել են նախագահ Զուրաբիշվիլիի հետ
- 4 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 5 ԵՄ-ն ընտրություններն ուսումնասիրելու համար առաքելություն կուղարկի Վրաստան և կչեղարկի կառավարությանը տրվող 121 միլիոնի օգնությունը
- 6 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
Գվարամիան ոստիկաններից պահանջել է մտնել կոալիցիայի կենտրոնական գրասենյակ, որտեղ խուզարկություն էր իրականացվում։ Վիճաբանությունից հետո ՆԳՆ աշխատակիցներից մեկը նրան ձերբակալելու հրաման է տվել։ Նիկա Գվարամիային գցել են գետնին և բռնի ուժով տարել ոստիկանական մեքենա։
Կենտրոնականի քրեական ոստիկանության բաժանմունքի աշխատակիցները զուգահեռաբար խուզարկություն են իրականացնում նաև «Միասնություն-Ազգային շարժում» երիտասարդական կազմակերպության գրասենյակում։
Ոստիկաններն այսօր շտապ կարգով առանց դատարանի որոշման խուզարկություն են կատարել «Դաիտովե» խմբի հիմնադիր Իլիա Ղլոնտիի բնակարանում։ Ինչպես պարզաբանել են ոստիկանության ծառայողները, Քրեական ոստիկանության բաժինը հետաքննում է քրեական օրենսգրքի 225-րդ և 2391-րդ հոդվածներով, ինչը նշանակում է խմբակային բռնություն կազմակերպելը, ղեկավարելը կամ մասնակցելը և հրապարակայնորեն բռնի գործողությունների կոչ անելը։
Ներքին գործերի նախարարությունը խուզարկությունների հետ կապված պարզաբանում չի արել։
Երեկ՝ դեկտեմբերի 3-ին, ոչ լեգիտիմ վարչապետը երկրում ընթացող բողոքի ակցիաների հետ կապված ասաց, որ ընդդիմադիր կուսակցությունների և հասարակական կազմակերպությունների առաջնորդները «չեն խուսափի պատասխանատվությունից»։ Իրակլի Կոբախիձեն նրանց մեղադրում է բռնություն կազմակերպելու և աջակցելու մեջ։
