Վրաստանի կառավարության որոշմամբ հոկտեմբերի 27-ը՝ Իակոբ Գոգեբաշվիլիի ծննդյան օրը, հայտարարվել է որպես Ուսուցչի ազգային օր։ Կրթության և գիտության նախարար Գիորգի Ամիլախվարիի խոսքով, հասարակության և կրթական համակարգի զարգացման գործում ունեցած առանձնահատուկ ավանդի համար ամեն տարի վաստակաշատ ուսուցիչները կարժանանան ուսուցչի ազգային պարգևի՝ հատուկ ստեղծված կրծքանշանի և դրամական պարգևի՝ 10 000 լարիի չափով։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 5 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
- 6 Բրիտանիան մարդու իրավունքների խախտման համար պատժամիջոցներ է սահմանել «Երազանքի» 4 բարձրաստիճան պաշտոնյաների նկատմամբ
Նախարարի պարզաբանմամբ՝ նախարարության սահմանած չափանիշներով կհավաքվեն այն ուսուցիչների պատմությունները, որոնք տարբեր ուղղություններով իրենց ուրույն ներդրումն ունեն աշակերտների, դպրոցական հասարակության կամ համայնքի զարգացման գործում։ Դրանից հետո հատուկ ստեղծված հանձնաժողովը, որին կմիավորեն տարբեր ոլորտների հայտնի մարդիկ, կբացահայտի տարվա լավագույն ուսուցիչներին։
Վրաստանում արդեն գործում է ուսուցչի ազգային մրցանակ, որը ստեղծվել է 2017 թվականին Կրթական կոալիցիայի, կրթության և գիտության նախարարության և Ուսուցիչների մասնագիտական զարգացման ազգային կենտրոնի միջև ստորագրված հուշագրի հիման վրա։ Այս նախաձեռնությունը Վրաստանում իրականացվում է արդեն յոթերորդ անգամ և այն ուսուցիչների հանրահռչակմանն ուղղված գլոբալ՝ The Global Teacher Prize արշավի մի մասն է։
