საქართველოს მთავრობის გადაწყვეტილებით, 27ოქტომბერი, იაკობ გოგებაშვილის დაბადების დღე მასწავლებლის ეროვნულ დღედ დაწესდა. განათლებისა და მეცნიერების მინისტრის გიორგი ამილახვარის განცხადებით, საზოგადოებისა და განათლების სისტემის განვითარებაში შეტანილი განსაკუთრებული წვლილისთვის, ღვაწლმოსილი პედაგოგები ყოველწლიურად გამოვლინდებიან და მათ გადაეცემათ მასწავლებლის ეროვნული პრემია – სპეციალურად შექმნილი სამკერდე ნიშანი და ფულადი ჯილდო 10 000 ლარის ოდენობით.
ახალი ამბები
მკითხველის რჩეული
- 1 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 2 თსუ-ის ფაკულტეტმა არ ისურვა ჩემთან ურთიერთობის გაგრძელება - დიტო საძაგლიშვილი
- 3 კობახიძე შუქრუთელების პროტესტზე - ასეთი აქციები ხშირად ემთხვევა წინასაარჩევნო პერიოდს
- 4 ზურაბიშვილი: ივანიშვილმა ომი გამოუცხადა ჩვენს მეგობრებს, რომ მოსკოვის გვერდით დამდგარიყო
- 5 რუსეთი მზადაა საქართველოს „აფხაზეთისა და სამხრეთ ოსეთის ქვეყნებთან“ შერიგებაში დაეხმაროს
- 6 ამ მთავრობამ ან პირი იცვალა, ან თავიდანვე შენიღბულად პრორუსული იყო - ზურაბიშვილი
მინისტრის განმარტებით, სამინისტროს მიერ დადგენილი კრიტერიუმების შესაბამისად, შეიკრიბება იმ მასწავლებელთა ისტორიები, რომლებსაც სხვადასხვა მიმართულებით განსაკუთრებული წვლილი შეაქვთ მოსწავლეების, სასკოლო საზოგადოებისა თუ თემის განვითარებაში. ამის შემდეგ სპეციალურად დაკომპლექტებული კომისია, რომელშიც გაერთიანებული იქნებიან ცნობილი სახეები სხვადასხვა სფეროდან, გამოავლენს წლის საუკეთესო მასწავლებლებს.
საქართველოში უკვე არსებობს მასწავლებლის ეროვნული ჯილდო, რომელიც განათლების კოალიციის, განათლების და მეცნიერების სამინისტროს და მასწავლებელთა პროფესიული განვითარების ეროვნულ ცენტრს შორის გაფორმებული მემორანდუმის საფუძველზე, 2017 წელს დაწესდა. ეს ინიციატივა საქართველოში უკვე მეშვიდედ ხორციელდება და ის მასწავლებელთა პოპულარიზაციისკენ მიმართული გლობალური კამპანიის – „The Global Teacher Prize“ ნაწილია.