Շովիում օգոստոսի 3-ին տեղի ունեցած տարերային աղետի հետևանքով զոհվածների ընտանիքներին յուրաքանչյուր զոհվածի համար կտրամադրվի 20 հազար լարի։ Այս մասին կառավարության նիստում հայտարարել է վարչապետ Իրակլի Ղարիբաշվիլին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
- 6 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
«Եվս մեկ անգամ ուզում եմ անդրադառնալ Շովիում տեղի ունեցած ողբերգությանը և մի քանի օր առաջ Գուրիայում տեղի ունեցած ողբերգությանը, որը երեք մարդու կյանք խլեց։ Շովիում այս մեծ ողբերգության, տարերային մեծ աղետի հետևանքով զոհվեց 32 մարդ՝ մեր քաղաքացիները։ Այդ պատճառով մենք քննարկեցինք այդ մասին և որոշում կայացրինք միանվագ դրամական օգնություն տրամադրել մահացածների ընտանիքներին՝ յուրաքանչյուր մահացածի համար 20 հազար լարիի չափով»,- ասել է Ղարիբաշվիլին։
Օգոստոսի 3-ին Ռաճայում Բուբա լեռից սկիզբ առած սելավը գրեթե ամբողջությամբ ավերել է Շովի հանգստավայրը։ Փրկարարական գործողությունը սկսվել է 3 ժամ ուշացումով, իսկ օրվա վերջում օդաչուները դադարեցրել են օպերացիային մասնակցելը, քանի որ ուղղաթիռը գիշերը չի կարողացել անվտանգ թռչել։ Առայժմ հայտնաբերվել է 32 դի, 1 անհետ կորած դեռ որոնվում է։ Կառավարության ներկայացուցիչները պնդում են, որ հնարավոր չի եղել խուսափել ողբերգությունից, ինչի հետ համաձայն չեն անկախ փորձագետները։ Ընդդիմության մի մասը պահանջում է քննիչ հանձնաժողով ստեղծել։ Հետաքննությունն ընթանում է քրեական օրենսգրքի 116-րդ և 240-րդ հոդվածներով, որը նախատեսում է անզգուշությամբ սպանություն և հանքարդյունաբերության, շինարարական կամ այլ աշխատանքների ընթացքում անվտանգության կանոնների խախտում։
Այսօր կառավարության նիստում վարչապետն ասել է նաև, որ Գուրիայում վերաբնակեցվելու են բոլոր այն քաղաքացիներին, ում տները ավերված են կամ անօգտագործելի. «Բոլորն անխտիր կվերաբնակեցվեն, և այս ընտանիքներին կտրվի նոր տուն, կամ մենք կգնենք կամ կկառուցենք, կամ գումար կփոխանցենք, և իրենք տուն կգնեն։ Նրանք անհանգստանալու բան չունեն, մենք ամեն ինչում կօգնենք նրանց, կլուծենք նրանց խնդիրները։ Մնացած աշխատանքներն ակտիվորեն ընթանում են»,- ասել է վարչապետը։
Սեպտեմբերի 8-ին զարգացած բնական գործընթացների պատճառով Գուրիայում վերաբնակեցման ենթակա է 306 ընտանիք։ Երկրաբանների կողմից ստուգվել է 643 տուն։ Գուրիայում աղետի հետևանքով զոհվել է 3 մարդ, այդ թվում՝ երկու երեխա։
