ԵԱՀԿ/ԺՀՄԻՐ, ԵԽԽՎ միջազգային դիտորդական առաքելությունները ներկայացրել են իրենց նախնական գնահատականները Վրաստանում անցկացված խորհրդարանական ընտրությունների, նախընտրական շրջանի և քվեարկության օրվա վերաբերյալ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ըստ ԵԱՀԿ հատուկ համակարգող և ԵԱՀԿ կարճաժամկետ դիտորդների ղեկավար Պասկալ Ալիզարի՝ քվեարկության օրը ընթացակարգային առումով լավ կազմակերպված էր, սակայն այն ուղեկցվեց լարված միջավայրով և ահաբեկման բազմաթիվ միջադեպերով.
Մասնավորապես, ճնշումներ են եղել ընտրողների, քաղծառայողների և պետական հատվածում աշխատող մարդկանց վրա։ Քվեարկության օրը հաշվառվել են ընտրողները։ Սա կասկածի տակ է դնում, թե որոշ ընտրողներ որքանով կարող էին քվեարկել՝ չվախենալով ահաբեկումից և հաշվեհարդարից»,- ասել է Պասկալ Ալիզարդին։
«Մեզ համար զարմանալի էր տեսախցիկներ տեսնելը այն տարածքներում, որոնք գործող օրենսդրությամբ չեն ընդգրկվում: Լարվածությունն ու քաոսը տեսավ և նկատեց նաև Եվրախորհրդարանի մեր թիմը։ Մի դեպքում քվեաթերթիկները լցրել են տուփի մեջ։ Նաև խախտումներ են եղել, դիտորդներն ու լրատվամիջոցների ներկայացուցիչները դուրս են հանվել։ Դիտորդների բողոքները մերժվել են։ Ընտրողներին ահաբեկել են թե՛ տեղամասում, թե՛ դրանից դուրս։ Քաղաքացի դիտորդների վրա ճնշումներ են եղել, և քվեարկության գաղտնիությունը ոչ միշտ է ապահովվել։
Եղել է նաև թշնամանք, ահաբեկում, և այն, ինչ մենք տեսանք ընտրությունների օրը, սա կարող է խարխլել Վրաստանում քաղաքական գործընթացները»,- ասել է Եվրախորհրդարանի պատվիրակության ղեկավար Անտոնիո Լոպես Իստիսը։
«Լարված, շատ խորը բևեռացված միջավայր, ընտրատեղամասերից դուրս ընտրողների նկատմամբ ահաբեկման և ճնշումների դեպքեր, քվեարկության գաղտնիության խախտում, անհավասար խաղադաշտ և պառակտող հռետորաբանություն. սրանք այն հարցերն են, որոնք մտահոգել են անձամբ ինձ,- այսպես է ՆԱՏՕ-ի Խորհրդարանական վեհաժողովի պատվիրակության ղեկավարը գնահատել հոկտեմբերի 26-ին կայացած խորհրդարանական ընտրությունները։ Նրա խոսքով, այս ընտրությունները վճռորոշ թեստ էին Վրաստանի ժողովրդավարության համար, և դրանց արդյունքները կլինեն երկրորդ փորձությունը։
«Դիտարկման ժամանակ նկատեցինք ընտրողներին ընտրակաշառք առաջարկելու, կրկնակի քվեարկության դեպքեր՝ քվեարկությունից առաջ և ընթացքում հատկապես գյուղական բնակավայրերում։ Մեր փորձով մենք դիտարկել ենք երկու աշխարհ, այսինքն՝ գոյություն է ունեցել երկու աշխարհ, մեկը եղել է ընտրատեղամասի ներսում, որտեղ քվեարկության գործընթացը լավ է իրականացվել, իսկ մյուս աշխարհը դրսում է եղել՝ ընտրատեղամասերից դուրս։
Ընտրատեղամասերի առջև իշխող կուսակցության տեսախցիկների առկայությունը, ինչպես նաև ընտրողների գրանցումը ճնշումների մթնոլորտ էին ստեղծում, ինչպես նաև կուսակցության կողմից կազմակերպված ահաբեկում, թվում էր, թե «մեծ եղբայրը» մեզ է հետևում։
Եվ սա նկատեց մեր դիտորդներից մեկը։ Գործընթացի ընթացքում էլ ավելի անհավասար պայմաններ ու թերություններ։ Հետևաբար, սա խաթարում է արդյունքների վստահելիությունը, ինչպես նաև դրանց արդարությունը: Երբ մենք գյուղերում դիտարկում էինք ընտրությունները, դիտորդներից մեկի մեքենան վանդալիզմի ենթարկվեց»,- ասել է Եվրոպայի խորհրդի խորհրդարանական վեհաժողովի պատվիրակության ղեկավար Ջուլիան Բուլայը։
