Վրաստանի Ազգային բանկի (ՎԱԲ) որոշմամբ՝ առանց թոշակառուների անհատական համաձայնության արգելվում է կենսաթոշակներով ապահովված վարկերի գովազդը։ Նշված փոփոխությունը կտարածվի այն թոշակառուների վրա, որոնց եկամուտը սահմանվում է միայն կենսաթոշակով և/կամ պետական այլ սոցիալական նպաստներով։
Լրահոս
Հաշմանդամ ակտիվիստը, ում տվյալները ներառվել են գործակալների ռեգիստրում, դատի է տվել արդարադատության նախարարությանը
Եվրախորհրդի կոնգրեսը խորը մտահոգություն է հայտնում Վրաստանում ժողովրդավարության հետընթացի կապակցությամբ
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Թբիլիսիում սպանվել է տրանսգենդեր կին Կեսարիա Աբրամիձեն
ՎԱԲ-ի նոր որոշմամբ՝ առևտրային բանկերը չեն կարողանա գովազդել կենսաթոշակով ապահովված վարկերը, որոնց բովանդակությունը հաճախորդին կառաջարկի վարկ՝ կենսաթոշակային կամ այլ տեսակի սոցիալական ապահովության հիման վրա։
«Փոփոխության նպատակն է պաշտպանել այսպես կոչված խոցելի խմբերին՝ անտեղյակ որոշումներ կայացնելուց և գերվարկավորումից: Սա կնպաստի սպառողների համար ավելի հարմարեցված միջավայրի ստեղծմանը և նրանց իրավունքների պաշտպանության բարձր մակարդակի ներդրմանը»,- նշել են Ազգային բանկում։
Թոշակառուներին կենսաթոշակային վարկեր է առաջարկում «Լիբերթի բանկը», որը կրկին հաղթել է 2022 թվականին պետության կողմից հայտարարված մրցույթում և ստացել է հաջորդ 7 տարիներին կենսաթոշակ տրամադրելու իրավունք։
Ազգային բանկին ներկայացրած հաշվետվության համաձայն՝ շուրջ 360 հազար թոշակառու և սոցիալական նպաստ ստացող «Լիբերթի բանկից» կենսաթոշակային վարկեր է վերցրել։ 2023 թվականի երկրորդ եռամսյակում կենսաթոշակային վարկերի ընդհանուր պորտֆելը կազմել է 402 մլն լարի։
Անցյալ տարի հանրային պաշտպանը դիմել էր համապատասխան գերատեսչություններին՝ նվազեցնելու սոցիալական վարկերի տոկոսադրույքը։ Նրա տեղեկություններով, տոկոսադրույքի սահմանված չափի (30.69%) արդյունքում բանկին հետ վերադարձվելիք գումարը, ի վերջո, մոտավորապես 75%-ով գերազանցում է որպես վարկ ստացված սկզբնական գումարին։ Սոցիալական օգնություն ստացող յուրաքանչյուր անձ միջինը 1 100 լարիի վարկ է ստացել «Լիբերթի բանկից»։ 2023 թվականի հունվարից նման վարկերի տոկոսադրույքի առավելագույն սահմանը 26% է։