Կիևի մարզի Բրովարի քաղաքում Ուկրաինայի արտակարգ իրավիճակների ծառայության ուղղաթիռի կործանման հետևանքով զոհվել է առնվազն 17 մարդ, այդ թվում՝ ՆԳ նախարար Դենիս Մոնաստիրսկին, նրա առաջին տեղակալ Եվգենի Ենինը և ՆԳՆ պետական քարտուղար Յուրի Լյուբկովիչը։ Մահացածների թվում կա 4 երեխա։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ավիավթարը տեղի է ունեցել հունվարի 18-ին, ժամը`08:20-ին։ ES-225 ուղղաթիռը, որում եղել է 9 մարդ (ՆԳՆ 6 աշխատակից և անձնակազմի 3 անդամ), կործանվել է մանկապարտեզի և բնակելի տան մոտակայքում։ Ողբերգության պահին մանկապարտեզում են գտնվել երեխաներն ու աշխատակիցները։
Արտակարգ իրավիճակների ծառայության տվյալներով՝ ուղղաթիռում գտնվող բոլոր մարդիկ զոհվել են։ Տուժել է 25 մարդ, այդ թվում՝ 11 երեխա։
Ուկրաինայի անվտանգության ծառայությունը հետաքննություն է սկսել միջադեպի առնչությամբ։ Այս պահին ողբերգության պատճառի մի քանի վարկած է դիտարկվում, այդ թվում՝ թռիչքի կանոնների խախտում, ուղղաթիռի տեխնիկական անսարքություն և այն ոչնչացնելու միտումնավոր գործողություն։ «Ուկրաինայի Անվտանգության ծառայության աշխատակիցները ձեռնարկում են համալիր քննչական և օպերատիվ միջոցառումներ՝ ողբերգության հետ կապված բոլոր պատճառահետևանքային կապերն ու մանրամասները պարզելու համար»,- ասվում է Անվտանգության ծառայության տարածած հաղորդագրության մեջ։
42 ամյա Դենիս Մոնաստիրսկին Ուկրաինայի ներքին գործերի նախարար էր նշանակվել 2021 թվականի հուլիսին։ Մինչ այդ՝ 2019-2021 թվականներին, նա եղել է Ուկրաինայի Գերագույն Ռադայի [Խորհրդարանի] պատգամավոր։ 42-ամյա Եվգենի Ենինը ներքին գործերի նախարարի առաջին տեղակալի պաշտոնը զբաղեցնում էր 2021 թվականի սեպտեմբերից, իսկ 33-ամյա Յուրի Լյուբկովիչը՝ նույն թվականի նոյեմբերից։
