Ֆինանսների նախարարության քննչական ծառայության աշխատակիցները խուզարկում են ամերիկյան Atlantic Council կազմակերպության հետազոտողներ Սոփո Գելավայի և Էթո Բուզիաշվիլիի տները։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
- 6 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
«Իմ տունը խուզարկվում է։ Ընտանիքից տանում են բոլոր սարքերը, այդ թվում՝ երեխայի նոութբուքն ու իմը։ Պատճառն այն է, որ հետաքննություն է ընթանում Ատլանտյան խորհրդի հետ կապված, որի աշխատակիցներից է Սոփոն»,- գրել է Գիորգի Նոնիաշվիլին՝ Սոփո Գելավայի ամուսինը։
«Ատլանտյան խորհուրդը» ամերիկյան հետազոտական ինստիտուտ է, որը հիմնադրվել է 1961 թվականին։ Սոփո Գելավան և Էթո Բուզիաշվիլին այս կազմակերպության «Թվային փորձաքննության հետազոտական լաբորատորիայի» (DFR Lab) հետազոտողներ են և ուսումնասիրում են ռուսական քարոզչությունն ու ապատեղեկատվությունը։
Քննչական ծառայության աշխատակիցները խուզարկություն են իրականացնում նաև Concentrix Georgia ընկերության գրասենյակում։ Concentrix Georgia-ն ամերիկյան ընկերություն է, որը խորհրդատվական ծառայություններ է մատուցում արտերկրում գտնվող խոշոր բիզնես ընկերություններին:
Ֆինանսների նախարարության քննչական ծառայությունը չի պարզաբանել, թե քրեական օրենսգրքի որ հոդվածներով և որ փաստով է սկսվել հետաքննությունը։
