Կախեթիի ոստիկանության բաժանմունքի աշխատակիցները Ախմետայի մունիցիպալիտետի Զեմո Ալվանի գյուղում կնոջ նկատմամբ սպանության փորձ կատարելու մեղադրանքով ձերբակալել են 46-ամյա տղամարդու։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
ՆԳ նախարարության տեղեկություններով՝ մեղադրյալը վիճաբանության ժամանակ սառը զենքով վիրավորել է իր 43-ամյա կնոջը և նրա հարազատին՝ 14-ամյա երեխային, որից հետո դեպքի վայրից դիմել է փախուստի։
Գործը քննվում է քրեական օրենսգրքի 11-րդ պրիմա 19-109-րդ հոդվածով, որը վերաբերում է ընտանիքի անդամի նկատմամբ առանձնակի դաժանությամբ կատարված սպանության փորձին։ Հանցագործությունը պատժվում է 16-ից 20 տարի ժամկետով կամ ցմահ ազատազրկմամբ։
2014-2022 թվականներին Վրաստանում սպանվել է 195 կին։ Նույն ժամանակահատվածում գրանցվել է կանանց սպանության 136 փորձ, այդ թվում՝ 54-ը ընտանեկան, 82-ը՝ այլ դրդապատճառներով։
2023 թվականի վիճակագրությունը դեռևս չի հրապարակվել։ Հանրային պաշտպանի գրասենյակի տվյալներով՝ նախորդ տարվա հունվար-հունիսին սպանվել է 13 կին։ 7 դեպքով հայտնաբերվել է ընտանեկան հանցագործության նշան։ Հանրային պաշտպանը մատնանշում է, որ ի տարբերություն 2022 թվականի, երբ կանանց սպանության փորձերը գերազանցում էին սպանությունների թվին, 2023 թվականի 6 ամիսների տվյալներով՝ կանանց սպանությունների թիվը գրեթե 54 տոկոսով գերազանցել է սպանության փորձերին։
