Վրաստանի վարչապետ և «Վրացական երազանքի» նախընտրական շտաբի ղեկավար Իրակլի Կոբախիձեն ներկայացրել է իշխող կուսակցության համամասնական ցուցակում ընդգրկված 22 պատվիրակների, ովքեր շրջաններում կգլխավորեն նախընտրական քարոզարշավը։ Նրանց թվում կա 14 գործող մեծամասնական պատգամավոր։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 6 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
Ինչպես այսօր կայացած ճեպազրույցում է հայտարարել Կոբախիձեն, «Վրացական երազանքը» պատվիրակներ է ներկայացնելու բոլոր 30 ընտրատարածքներում։ Առաջիկա օրերին նախատեսվում է Թբիլիսիի 8 պատվիրակների առաջադրումը։
«Բոլոր պատվիրակները ներկայացված կլինեն «Վրացական երազանքի» համամասնական ցուցակով անցողիկ տեղում։ Ըստ այդմ, մենք ապահովելու ենք, որ հաջորդ գումարման խորհրդարանում գոնե յուրաքանչյուր քաղաք և շրջան ունենա իր ներկայացուցիչը, և այդպիսով մեծամասնական ընտրակարգի վերացման հետ կապված թերությունը մասամբ կվերանա։ Կան մի շարք պատգամավորներ, որոնք նախկինում եղել են համապատասխան ընտրատարածքների մեծամասնականները, նրանցից շատերը ներկայացված կլինեն ցուցակում, բայց ոչ որպես պատվիրակներ»,- ասել է Կոբախիձեն։
Շրջաններում «Վրացական երազանքի» պատվիրակության թեկնածուներն են՝
- Դավիթ Սոնղուլաշվիլի (գործող մեծամասնական պատգամավոր) - Գուրջաանի-Սագարեջո-Սիղնաղի-Դեդոփլիսծղարո,
- Իրակլի Քադագիշվիլի (գործող մեծամասնական պատգամավոր) - Թելավի-Ախմետա-Կվարելի-Լագոդեխի,
- Իրակլի Շատակիշվիլի (գործող մեծամասնական պատգամավոր) - Ռուսթավի և Գարդաբանի,
- Զաուր Դարգալի (գործող մեծամասնական պատգամավոր) - Մառնեուլի-Գարդաբանի,
- Դավիթ Շերազադիշվիլի (Բոլնիսիի գործող քաղաքապետ) - Բոլնիսի-Դմանիսի-Թեթրիծղարո-Ծալկա,
- Անտոն Օբոլաշվիլի (գործող մեծամասնական պատգամավոր) - Ախալցիխե-Բորջոմի-Ասպինձա-Ադիգենի,
- Սամվել Մանուկյան (գործող մեծամասնական պատգամավոր) - Ախալքալաք-Նինոծմինդա,
- Դիմիտրի Խունդաձե (գործող պատգամավոր) - Մցխեթա-Մթիանեթի,
- Լադո Խինչեգաշվիլի (Գորիի գործող քաղաքապետ) - Գորի-Կասպի,
- Զաալ Դուգլաձե (գործող մեծամասնական պատգամավոր) - Խաշուրի-Քարելի,
- Զազա Լոմինաձե (գործող մեծամասնական պատգամավոր) – Քութայիսի,
- Գիվի Ճիճինաձե (գործող մեծամասնական պատգամավոր) - Ծղալտուբո-Սամտրեդիա-Վանի-Խոնի,
- Պաատա Կվիժինաձե (գործող մեծամասնական պատգամավոր) - Սաչխերե-Ճիաթուրա-Խարագաուլի,
- Զվիադ Շալամբերիձե (Իմերեթիի գործող նահանգապետ) - Զեստափոնի-Բաղդաթի-Թերջոլա-Տղիբուլի,
- Դաթո Կոդուա (Սամեգրելոյի նախկին փոխնահանգապետ) – Զուգդիդի,
- Գիորգի Խախուբիա (գործող մեծամասնական պատգամավոր) - Փոթի-Խոբի-Սենակի,
- Իլիա Ինջիա (գործարար) - Մարտվիլի-Աբաշա-Ծալենջիխա-Չխորոծղու,
- Վասիլ Չիգոգիձե (գործող մեծամասնական պատգամավոր) - Օզուրգեթի-Լանչխութի-Չոխատաուրի,
- Գոչա Էնուքիձե (գործող մեծամասնական պատգամավոր) - Ռաճա-Լեչխումի-Սվանեթի,
- Արչիլ Բերիձե («Ալիլո» խմբի անդամ) – Բաթումի,
- Գիա Ճղոնիա (գործարար) – Քոբուլեթի,
- Անզոր Բոլքվաձե (գործող մեծամասնական պատգամավոր) - Խելվաչաուրի-Քեդա-Շուախևի-Խուլո։
Իրակլի Կոբախիձեի խոսքով՝ «Վրացական երազանքի» ամբողջական նախընտրական ցուցակը կհրապարակվի սեպտեմբերի կեսերին։
