Վարչապետ Իրակլի Կոբախիձեն մեկնաբանել է «Վրացական երազանքի» հետ սերտ կապեր ունեցող «Միացյալ չեզոք Վրաստան» հասարակական շարժման նախաձեռնությունը, որը խորհրդարանական ընտրություններից հետո ընդդիմադիր կուսակցությունների արգելման հետ մեկտեղ առաջարկում է նաև նրանց ընտրողներին բացահայտել և դատապարտել։ Կոբախիձեի խոսքով՝ այս գաղափարը «ակտիվորեն չի կարող քննարկվել» իշխող կուսակցության կողմից։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Թբիլիսիում սպանվել է տրանսգենդեր կին Կեսարիա Աբրամիձեն
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Ինչ վերաբերում է կուսակցություններին դատելուն, մենք նախ դրա մասին ենք խոսում։ Դա անհրաժեշտ է Վրաստանում փակ շրջանին վերջ տալու համար, որը կոչվում է այսպես կոչված բևեռացում, արմատականություն։ Եթե հավաքական «Ազգային շարժումը» հակասահմանադրական չհայտարարվի, ինչի համար մենք ընտրություններից հետո անպայման կսկսենք համապատասխան ընթացակարգերը, ապա Վրաստանում բևեռացման խնդիրը երբեք չի լուծվի։
Այս քաղաքական ուժը, քաղաքական կուսակցությունների այս համակցությունը միշտ խոչընդոտ է հանդիսանալու վրացական ժողովրդավարության զարգացման և մեր երկրի հզորացման ճանապարհին։
Ինչ վերաբերում է ընտրողին, ես նման հարց չեմ կարող քննարկել։ Իհարկե, ինձ համար անհավատալի է ընտրողին դատելը։ Չնայած յուրաքանչյուր ընտրող ինքն է պատասխանատու իր ընտրության համար, իհարկե, մենք չենք կարող դիտարկել տասնյակ հազարավոր մարդկանց դատելու հարցը։ Մենք չենք կարող նույնիսկ սկսել այդ մասին մտածել, և, իհարկե, այդ գաղափարը մեր կողմից ակտիվորեն չի քննարկվի»,- լրագրողներին ասել է Կոբախիձեն։
«Չեզոք Վրաստան» շարժումը, որի առաջնորդներից է «Վրացական երազանքի» նախկին անդամ, նույն կուսակցության համակիր Վատո Շաքարաշվիլին, կարծում է, որ ընտրություններից հետո, «Ազգային շարժումը» հակասահմանադրական հայտարարելուն զուգահեռ, «Հավաքական ազգային շարժման» ընտրողներին պետք է բացահայտել ու դատել։ Ըստ նրանց՝ շուրջ 300 հազար մարդ «տարիներ շարունակ կյանք է տվել հանցավոր քաղաքական ուժերին»։
«Արմատական ընդդիմության յուրաքանչյուր ընտրող պետք է կիսի իրավական պատասխանատվությունը, որպեսզի այս երկրում ոչ ոք չհամարձակվի աջակցել հակապետական, դրսից կառավարվող գործակալներին և նրանց հնարավորություն ընձեռել ավելի շատ հանցագործություններ իրականացնել», - այսօր հայտարարել է կազմակերպությունը:
Իշխանությունում գտնվելու 12-րդ տարում «Վրացական երազանքը» իր համակիրներին խոստանում է, որ նոր խորհրդարանում սահմանադրական մեծամասնություն, այսինքն՝ 113 մանդատ ստանալու դեպքում, կնախաձեռնի իրավական գործընթաց, որի արդյունքում և՛ «Ազգային շարժումը» և նրա բոլոր արբանյակային և իրավահաջորդ կուսակցությունները կարգելվեն»։ Ինչպես պարզաբանել է վարչապետ Իրակլի Կոբախիձեն, բացի «Ազգային շարժումից», իրենք մտադիր են արգելել այնպիսի ընդդիմադիր կուսակցությունների, ինչպիսիք են «Ստրատեգիա Աղմաշենբելին», «Եվրոպական Վրաստանը», «Ախալին», «Գիրչի՝ ավելի շատ ազատությունը», «Դրոան», «Լելոն» և «Գախարիան հանուն Վրաստանին»։
