Էստոնիայից հետո Վրաստանի տասնյակ քաղաքացիներ պերսոնա նոն գրատա են հայտարարվել Լատվիայի և Լիտվայի կողմից։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 3 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 4 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 5 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 6 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
«Ես Վրաստանի 16 քաղաքացու ավելացրել եմ Լատվիայի «պերսոնա նոն գրատա» ցուցակում և անժամկետ արգելել եմ նրանց մուտքը Լատվիա։ Այս որոշումն ընդունվել է Ներգաղթի մասին օրենքի 61-րդ հոդվածի 2-րդ մասի համաձայն», - գրել է Լատվիայի արտաքին գործերի նախարար Բայբա Բրաժեն X հարթակում։
Լիտվայի արտաքին գործերի նախարար Կեստուտիս Բուդրիսի խոսքով՝ 74 պաշտոնյայի մուտքը Լիտվա արգելվել է «Վրաստանում մարդու իրավունքների լուրջ խախտումների և բռնաճնշումների պատճառով»։
«Մենք աջակցում ենք Վրաստանի ժողովրդին ժողովրդավարության և եվրոպական ապագայի համար պայքարում», - ասում է Բուդրիսը:
Լիտվայի ԱԳՆ-ի տվյալներով՝ նոր պատժամիջոցների ենթարկված անձանց թվում են վրացի դատավորներ (որոնցից 7-ը Սահմանադրական դատարանի դատավորներ), դատախազներ և ոստիկաններ, այդ թվում՝ նրանք, ովքեր «կեղծ ցուցմունք են տվել լրագրող Մզիա Ամաղլոբելիի դեմ և նպաստել են նրա ապօրինի ձերբակալմանը»։
«Տիկին Ամաղլոբելին 38 օր հացադուլ է արել պաշտոնյաների կողմից վատ վերաբերմունքի պատճառով, և նրա կյանքին լուրջ վտանգ է սպառնում», - ասվում է Լիտվայի ԱԳՆ հաղորդագրության մեջ։
Բալթյան երկրներն այսօր՝ մարտի 3-ին, հայտարարել են նոր պատժամիջոցների վերաբերյալ իրենց որոշումների մասին։ Էստոնիայի կողմից պատժամիջոցների ենթարկվածների ցուցակում ընդգրկվել են վրացի դատավորներ, ոստիկաններ, դատախազներ և «Վրացական երազանքի» պատգամավորներ։
