Վրաստանի հավաքականի ֆուտբոլիստ Լուկա Լոչոշվիլին Բիձինա Իվանիշվիլիին պատկանող «Քարթու» բանկի կողմից ազգային հավաքականին տրված 30 մլն լարիի մասին հարցին պատասխանել է, որ ֆուտբոլիստները «խաղում են ոչ թե փողի, այլ երկրի համար»։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Չեմ կարծում, որ հարցը փողին է վերաբերում: Չեմ կարծում, որ որևէ մեկը մտածում է փողի մասին։
Վարչապետի ասածն ակնհայտորեն լավ ժեստ է, բայց մենք ոչ թե փողի, այլ մեր երկրի համար ենք խաղում։
Սա է մեր երկրի համար լավ արդյունքների հասնելու համար ամենակարևորը, ոչ թե փողը։ Կարծում եմ, որ բոլոր ֆուտբոլիստներն այդպես են մտածում»,- ասել է Լոչոշվիլին։
Բիձինա Իվանիշվիլիի «Քարթու» հիմնադրամը 2024 թվականի Եվրոպայի առաջնության ուղեգիր նվաճելուց հետո հայտարարեց, որ ենթախմբից դուրս գալու դեպքում ազգային հավաքականին 30 մլն կփոխանցի։ Բացի այդ, ենթախմբից դուրս գալուց հետո «Քարթու» հիմնադրամը յուրաքանչյուր հաջորդ խաղում հաղթելու համար ազգային հավաքականին կպարգևատրի հավելյալ 30 մլն լարիով։
Գերմանիայում ընթացող Եվրոպայի առաջնությունում Վրաստանի ֆուտբոլի ազգային հավաքականը պատմական արդյունքի հասավ։ Հունիսի 26-ին Պորտուգալիային հաղթելուց հետո Վրաստանը դուրս եկավ խմբից, իսկ հունիսի 30-ին 1/8 եզրափակչում կհանդիպի Իսպանիայի ընտրանու հետ։
