Ռուսաստանի արտաքին գործերի նախարար Սերգեյ Լավրովը Ստամբուլում «3+3» հարթակի հանդիպմանը կրկնել է «Վրացական երազանքի» ապատեղեկատվական նարատիվը Վրաստանում Ռուսաստանի դեմ երկրորդ ճակատ բացելու փորձերի մասին։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 5 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Լուրջ խնդիրներից է Ռուսաստանի դեմ երկրորդ ճակատ բացելու Արևմուտքի հայտնի փորձը։ Նկատի ունեմ կրկին կրակ վառելը, Աբխազիայում և Հարավային Օսիայում իրավիճակի ապակայունացումը, Վրաստանի և այս երկու ինքնիշխան պետությունների հարաբերությունների «տաքացումը»։ Ռիսկերի մեծ մասը, որ մենք տեսնում ենք այստեղ, կապված են Արևմուտքի ջանքերի հետ՝ հնարավորինս մեծացնել իր ազդեցությունը տարածաշրջանում, խաթարել Ռուսաստանի Դաշնության հնարավորությունները Հարավային Կովկասի երկրների և մեր պետության միջև հավասար, փոխշահավետ համագործակցության համար», - ասել է Լավրովը։
Ռուս դիվանագետն ասել է, որ «3+3» հարթակի դուռը բաց է մնում Վրաստանի համար և հույս է հայտնել, որ «ժամանակի ընթացքում վրացի հարևանները նույնպես կկարողանան ներգրավվել դրա գործունեության մեջ»։
«Հենց Թբիլիսին որոշի, նրանք ցանկացած պահի կարող են գալ ու նստել իրենց տեղերում։ Նստատեղն ու դուռը միշտ բաց են նրանց համար։ Ինչ վերաբերում է շփումներին, ապա մենք շփումներ ունենք Թբիլիսիի հետ, Վրաստանում Շվեյցարիայի Համադաշնության դեսպանատանը կա Ռուսաստանի Դաշնության շահերի բաժին։ Այնտեղ աշխատում են մեր դիվանագետները։ Անհրաժեշտության դեպքում նրանք հնարավորություն ունեն քննարկելու ընթացիկ հարցեր, առաջին հերթին՝ առևտրի, զբոսաշրջության և մարդկանց միջև շփումների ոլորտում՝ անմիջականորեն Վրաստանի համապատասխան մարմինների հետ»,- ասել է Սերգեյ Լավրովը։
«3+3» ձևաչափով տարածաշրջանային համագործակցության հարթակի ստեղծումը (Ադրբեջան, Վրաստան, Հայաստան, Թուրքիա, Ռուսաստան և Իրան) Ադրբեջանի և Թուրքիայի նախագահներ Իլհամ Ալիևի և Ռեջեփ Թայիփ Էրդողանի նախաձեռնությունն է։ Առաջին հանդիպումը տեղի է ունեցել 2021 թվականի դեկտեմբերի 10-ին Մոսկվայում։ Վրաստանը հրաժարվում է մասնակցել այս ձևաչափին։ 2023 թվականին խորհրդարանի նախագահ Շալվա Պապուաշվիլին ասել է, որ «մեր մասնակցությունը այն ձևաչափին, որտեղ ներկայացված է Վրաստանի տարածքները օկուպացված երկիրը, բացառված է»։