2021 թվականի հուլիսի 5-ին «Պիրվելի» հեռուստաընկերության օպերատոր Լեքսո Լաշկարավայի և լրագրող Միրանդա Բաղաթուրիայի նկատմամբ բռնության համար դատապարտված չորս անձինք՝ Ակակի Նակաշիձեն, Դավիթ Կութալաձեն, Ցոտնե Չիխլաձեն և Թոռնիկե Դավլաշերիձեն, վաղաժամկետ լքել են բանտը։ Ըստ փաստաբանների, նրանց վրա է տարածվել խորհրդարանական ընտրություններից առաջ «Վրացական երազանքի» կողմից ընդունված համաներումը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Դավիթ Կութալաձեի և Ցոտնե Չիխլաձեի փաստաբան Սերգո Խուրցիձեն «Վրաստանի լուրերին» հայտնել է, որ իր պաշտպանության տակ գտնվողները սահմանված 4 տարվա ազատազրկումից կրել են 3 տարի 4 ամիս ժամկետով պատիժ։
«ՔԿՀ-ն պետք է լքեին 8 ամսում՝ 2025 թվականի հուլիսին։ Այս գործով կալանավորվել է ընդհանուր 6 հոգի, բոլորն էլ դուրս կգան»,- ասել է փաստաբանը։
2023 թվականի հունվարի 16-ին Թբիլիսիի վերաքննիչ դատարանի դատավոր Մայա Թեթրաուլին արդարացրել է բոլոր վեց մեղադրյալներին՝ Քրեական օրենսգրքի 225-րդ հոդվածի երկրորդ մասով, որը ներառում է կազմակերպված խմբակային բռնության մասնակցություն, և կրճատել է առաջին ատյանի կողմից սահմանված 5 տարվա ազատազրկման ժամկետը մինչև 4 տարի: Դավիթ Կութալաձեն, Ակակի Նակաշիձեն, Թոռնիկե Դավլաշերիձեն, Օթար Գելաշվիլին, Ցոտնե Չիխլաձեն և Գիա Գիգուաշվիլին մեղավոր են ճանաչվել լրագրողի մասնագիտական գործունեությանը ապօրինի խոչընդոտելու (հոդված 154), անձին հետապնդելու համար՝ կապված մասնագիտական գործունեության հետ (հոդված 156) և առողջությանը կանխամտածված վնաս հասցնելու համար (հոդված 118):
«Լեքսոյին ծեծելով սպանած և Միրանդա Բաղաթուրիայի նկատմամբ բռնություն գործած մարդկանց ազատության պատասխանատվությունը կրում են «Վրացական երազանքի» բոլոր պատգամավորները, ովքեր կողմ են քվեարկել համաներման օրենքի այն հոդվածներին, որոնք ազատել են այս հանցագործներին բանտից։ Սա «Վրացական երազանքի» պատգամավորների կանխամտածված գործողություն էր, քանի որ նրանք այդ մարդկանց պարտք էին»,- ասել է «Պիրվելի» հեռուստաընկերության լրատվական ծառայության ղեկավար Նոդար Մելաձեն։
2021 թվականի հուլիսի 5-ին Թբիլիսիում՝ Վրաստանի պատրիարքարանի, ռուսամետ «Ալտ-ինֆո» կազմակերպության և հոմոֆոբ այլ խմբավորումների կոչով ակցիա է տեղի ունեցել ընդդեմ «Թբիլիսի փրայդի» «Արժանապատվության երթ» միջոցառմանը: Հանրահավաքի ժամանակ նրանք խմբերով հարձակվել են լրագրողների վրա, ծեծի ենթարկել նրանց, ջարդել սարքավորումները։ Բռնության զոհ է դարձել 53 լրագրող, օպերատոր և լուսանկարիչ։ Նրանցից մի քանիսը լուրջ վնասվածքներ են ստացել և բժշկական օգնության կարիք են ունեցել։ Նրանց թվում է եղել «Պիրվելի» հեռուստաընկերության օպերատոր 36-ամյա Ալեքսանդր Լաշքարավան, ով հոմոֆոբ խմբի կողմից հարձակման է ենթարկվել «Սիրցխվիլիա» շարժման գրասենյակում։ Լաշքարավան հիվանդանոցից դուրս է գրվել հուլիսի 8-ին, իսկ հուլիսի 11-ի առավոտյան նրան մահացած են գտել իր տանը։
2022 թվականի հունվարի 7-ին լրատվամիջոցները հրապարակեցին Ալեքսանդր Լաշքարավայի գործով Լևան Սամխարաուլիի դատաբժշկական փորձաքննության ազգային բյուրոյի եզրակացության մի հատված, ըստ որի Լաշքարավայի մահվան պատճառը եղել է «սուր սրտանոթային և շնչառական անբավարարությունը, որը առաջացել է «Հերոինով» թունավորման հետևանքով»։ ՆԳՆ-ն թմրամիջոցների գերդոզավորման վարկածի մասին ակնարկում էր դեռ օպերատորի մահվան օրվանից։ Վրաստանի երիտասարդ իրավաբանների ասոցիացիայի կարծիքով, այն փաստը, որ, չնայած հրապարակային առաջարկին, ՆԳՆ-ն փորձաքննությանը չի ներգրավել միջազգային փորձագետների, նվազեցնում է եզրակացության նկատմամբ վստահությունը։
Լեքսո Լաշքարավայի մահվան դեպքի առթիվ հետաքննությունն անցկացվել է Քրեական օրենսգրքի 115-րդ՝ ինքնասպանության հասցնելու հոդվածով։ Հետաքննության արդյունքները դեռևս անհայտ են։
Հուլիսի 5-ի գործով մոտ 30 մարդ է ձերբակալվել։ Բռնության կազմակերպիչներից ոչ ոք պատասխանատվության չի ենթարկվել։
