Եվրահանձնաժողովի նախագահ Ուրսուլա ֆոն դեր Լայենի խոսքով՝ Ռուսաստանը «չհրահրված և չարդարացված» պատերազմ է սկսել Ուկրաինայի դեմ՝ առանց որևէ պատճառաբանության։ Այս մասին նա հայտարարել է Բրատիսլավայում Գլոբալ անվտանգության ֆորումում (GLOBSEC) իր ելույթի ժամանակ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 4 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 5 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 6 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
Ֆոն դեր Լայենը նշել է, որ Ուկրաինայի դեմ պատերազմը վճռորոշ պահ է Եվրոպայի համար։
«Մեր պատմության մեջ առաջին անգամ հարձակում է տեղի ունենում մի երկրի վրա՝ եվրոպական ընտանիքի անդամ դառնալու ցանկության համար։ Դա Ուկրաինայի ինքնիշխան որոշումն է և նրա ժողովրդի հստակ արտահայտված կամքն ընդունելու մեր միության արժեքները։ Դրանով նրանք նաև պայքարում են մեր ազատության և արժեքների համար, հանուն ժողովրդավարության և օրենքի գերակայության, ազատ խոսքի և սեփական ճակատագիրը որոշելու ազատության համար: Հենց դրա համար է պայքարում Ուկրաինան, և սա է փորձում մարել նախագահ Պուտինը»,- ասել է Եվրահանձնաժողովի նախագահը։
Նրա խոսքով՝ ՌԴ նախագահը փորձում է ոչնչացնել այն խաղաղությունը, որը Եվրոպան միասին կերտեց Երկրորդ համաշխարհային պատերազմից, իսկ ավելի ուշ՝ երկաթե վարագույրի անկումից հետո։
«Սա է այս պատերազմի սկիզբը, տիկնայք և պարոնայք: Այստեղ GLOBSEC-ում ես լսեցի, թե ինչպես եք քննարկում այս պատերազմի պատճառները: Այնպես որ, թույլ տվեք շատ հստակ ասել՝ Ռուսաստանը սկսեց այս չհրահրված և չարդարացված պատերազմը։ Նա առանց պատճառի ներխուժեց Ուկրաինա՝ երկիրը քարտեզից ջնջելու համար, և Ռուսաստանը հրաժարվում է ընդունել Ուկրաինան որպես անկախ երկիր:
Բայց պայքարելու և ազատ լինելու Ուկրաինայի կամքը զարմացրեց աշխարհին։ Նրանք հստակ գիտեն, թե որտեղ է իրենց տեղը։ Ուկրաինացի ժողովուրդը տարիներ շարունակ եղել է դեպի ԵՄ ուկրաինական շարժման ճարտարապետը, և նա բազմիցս ապացուցել է իր քաջությունն ու վճռականությունը։ Մենք երբեք չենք կարողանա հավասարվել ուկրաինացի ժողովրդի զոհողություններին և խիզախությանը, բայց մենք կարող ենք և պետք է ամուր կանգնենք նրանց կողքին»:
Գլոբալ անվտանգության ֆորումին ներկա է գտնվել նաև Վրաստանի վարչապետը, ով մայիսի 30-ին մասնակցել է թեմատիկ քննարկմանը։ Իրակլի Ղարիբաշվիլիին հարցրել են, թե ինչու է Ռուսաստանը պատերազմ սկսել Ուկրաինայի հետ 2022 թվականին, ինչին նա պատասխանել է. «Պատճառներից մեկը ՆԱՏՕ-ի անդամ դառնալու Ուկրաինայի կամքն ու մտադրությունն էր, և դրա համար մենք տեսնում ենք արդյունքները»։ Ղարիբաշվիլիին քննադատել են միջազգային գործընկերները երկրի ներսում և դրսում։ Օրինակ, ըստ ամերիկացի գեներալ և Եվրոպայում Միացյալ Նահանգների զորքերի նախկին հրամանատար Բեն Հոջեսի, Վրաստանի վարչապետը «ըստ էության հայտարարել է, որ Վրաստանի արտաքին քաղաքականությունն այլևս չի ներառում ՆԱՏՕ-ին անդամակցելը»։
