Մենք Վրաստանի կառավարությանը չենք թելադրում, թե ինչ օրենքներ պետք է ընդունի. Միլլեր

Վիզային պատժամիջոցների հայտարարումից հետո լրագրողը Պետդեպարտամենտի ներկայացուցչին հարցրել է, թե ինչն է ԱՄՆ-ին իրավունք տալիս Վրաստանի խորհրդարանին թելադրել, թե ինչ օրենքներ ընդունել, ինչ՝ ոչ։

«Մեր գործողությունների հիմքն այն է, որ մենք տեսանք, որ Վրաստանի կառավարությունը շեղում է սեփական ժողովրդի ուշադրությունը, ճնշում է դեմոկրատական ​​այլախոհությունը, և այդ գործողությունները փոխում են Եվրամիության և Արևմուտքի հետ ինտեգրման քայլերը»։

Վրաստանը կարող է ինքնուրույն որոշումներ կայացնել այն մասին, թե ինչպես է ուզում վարվել, մենք կարող ենք կայացնել մերը, բայց մենք չենք պատրաստվում շարունակել մարդկանց թույլ տալ մուտք գործել Միացյալ Նահանգներ, մենք չենք շարունակելու աջակցել, ես պետք է ասեմ՝ մենք պատրաստվում ենք շարունակել վերանայել ֆինանսական օգնությունը, որը մենք տրամադրում ենք Վրաստանին:

Այս ամենը պոտենցիալ վտանգի տակ է, եթե Վրաստանը չվարի քաղաքականություն, որը համապատասխանում է մինչ այժմ արտահայտած շահերին ու արժեքներին»,- ասել է Միլլերը։

Այսպես կոչված «օտարերկրյա գործակալների» մասին ռուսական օրենքի ընդունումից հետո ԱՄՆ Պետդեպարտամենտը հայտարարեց վիզային պատժամիջոցների առաջին փուլի մասին։ Խոսքը երկու-երեք տասնյակ մարդկանց մասին է, այդ թվում՝ «Վրացական երազանքի» անդամների, ուժային կառույցների աշխատակիցների և առանձին անձանց, որոնց մուտքը ԱՄՆ տարածք կարգելվի։ Մեթյու Միլլերը բացատրել է, որ վիզաների մասին տեղեկությունները գաղտնի են, և Պետդեպարտամենտը իրավասու չէ հրապարակել ցուցակը։

Վրաստանի փոխվարչապետ Թեա Ծուլուկիանին հայտարարել է, որ պատժամիջոցները «հերթական սխալն են», որ ԱՄՆ-ն անում է իր ռազմավարական գործընկերոջ հետ հարաբերություններում։