Լիբերալների և դեմոկրատների դաշինք հանուն Եվրոպայի (ALDE) կուսակցությունը մարտի 20-21-ին Բրյուսելում կայացած արտահերթ համագումարում ընդունել է իր 2024 թվականի մանիֆեստը, ըստ որի ALDE-ն հավակնում է ապահովել, որ Արևմտյան Բալկանյան երկրները, Մոլդովան, Վրաստանը և Ուկրաինան 2029 թվականին բավարարեն ԵՄ-ին անդամակցելու չափորոշիչները։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Ըստ ALDE-ի անդամ վրացական ընդդիմադիր՝ «Գիրչի՝ ավելի շատ ազատություն» և «Ստրատեգիա Աղմաշենեբելի» կուսակցությունների առաջնորդների՝ մանիֆեստում թեկնածու երկրներին աջակցող գրառումը հայտնվել է իրենց և ուկրաինացի քաղաքական գործիչների նախաձեռնությամբ։
«Մենք վերահաստատում ենք մեր հանձնառությունը բաց դռների քաղաքականությանը եվրոպական երկրների համար, որոնք համապատասխանում են Կոպենհագենի չափորոշիչներին և երաշխավորում ենք, որ ԵՄ-ն ուժեղ ազդանշաններ է ուղարկում, որ չափորոշիչներին համապատասխանելը և ցուցանիշների ձեռքբերումը շոշափելի արդյունքներ են բերում»:
Այս առումով մեր հավակնությունն է ապահովել, որ Արևմտյան Բալկանյան երկրները, Մոլդովան, Վրաստանը և Ուկրաինան 2029 թվականին պատրաստ լինեն բավարարել բոլոր չափորոշիչները։ Բացի Կոպենհագենի չափորոշիչներին համապատասխանելուց, թեկնածու երկրները պետք է համահունչ լինեն Եվրամիության ընդհանուր արտաքին և անվտանգության քաղաքականությանը»,- ասված է մանիֆեստում։
ALDE-ն նշում է, որ ԵՄ ընդլայնումը շահավետ է քաղաքական, տնտեսական և անվտանգության տեսանկյունից: Մանիֆեստում ասվում է, որ «ԵՄ-ն, նրա արժեքներն ու չափանիշները մնում են մեծ միավորող գործոն Արևմտյան Բալկանների, Մոլդովայի, Վրաստանի և Ուկրաինայի ժողովուրդների համար»։
ALDE-ն միավորում է ավելի քան 60 քաղաքական կուսակցություններ ամբողջ Եվրոպայում և Եվրախորհրդարանում ներկայացված է 70 անդամներով: ALDE-ի անդամներն են Եվրոպական խորհրդի նախագահ Շառլ Միշելը (Ռեֆորմացիոն շարժում կուսակցություն) և Էստոնիայի վարչապետ Կայա Կալասը (Էստոնիայի բարեփոխումների կուսակցություն), ինչպես նաև Սլովենիայի, Բելգիայի, Նիդերլանդների և Բուլղարիայի վարչապետները:
Վրաստանը Եվրամիության թեկնածու երկրի կարգավիճակ է ստացել 2023 թվականի դեկտեմբերին։ Հաջորդ փուլը անդամակցության բանակցություններն են, որոնց համար երկիրը պետք է կատարի Եվրահանձնաժողովի կողմից սահմանված 9 պայմանները՝ ներառյալ դատական համակարգի բարեփոխումը, մարդու իրավունքների պաշտպանության չափանիշների բարելավումը և ազատ, արդար և մրցակցային ընտրական գործընթացի ապահովումը։ 2024 թվականի փետրվարի 20-ին Վրաստան-ԵՄ Ասոցացման խորհրդի նիստից հետո ընդլայնման հարցերով եվրահանձնակատար Օլիվեր Վարհեյն ասել է, որ եթե Վրաստանը կատարի բոլոր պայմանները մինչև 2030 թվականը, ԵՄ-ն պետք է պատրաստ լինի ընդունել նրան։ Այս առնչությամբ վարչապետ Իրակլի Ղարիբաշվիլին ասել է, որ «2030 թվականին Վրաստանն ավելի պատրաստ կլինի ԵՄ անդամակցությանը, քան ցանկացած այլ թեկնածու երկիր»։
