Մեստիայի մունիցիպալիտետի 2023 թվականի բյուջեից, որը կազմում է 19 մլն լարի, ավելի քան 7 մլն լարի է նախատեսված ՏԻՄ-ի կարիքների համար: Սակրեբուլոյի աշխատակիցների աշխատավարձն ու ծախսերը կազմում են 1 453 000 լարի, քաղաքապետարանի աշխատակացիներինը՝ 4 916 230 լարի: Նախորդ տարվա համեմատ քաղաքապետարանի աշխատակիցների ծախսերն աճել են ավելի քան մեկ միլիոն լարիով։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Դեկտեմբերի 28-ին սակրեբուլոյի կողմից հաստատված ենթակառուցվածքների կառուցման և վերականգնման բյուջեի ներկայիս տարբերակով նախատեսված է ընդամենը 3 870 000 լարի, որը մոտավորապես 5 անգամ պակաս է 2021 թվականի ֆինանսավորումից և 1.6 անգամ պակաս, քան 2022 թվականի ֆինանսավորումը։
Ճանապարհների ու կամուրջների խնամքի ու վերականգնման համար այս տարի տեղական բյուջեում կա ընդամենը 250 000 լարի։ Կրճատվել է նաև կոմունալ ենթակառուցվածքների կառուցման և վերականգնման ֆինանսավորումը՝ 700 հազարի փոխարեն դառնալով կես միլիոն լարի։ Կրճատվել է նաև ջրային համակարգի վերականգնման համար նախատեսված գումարը, իսկ Մեստիայի մունիցիպալիտետի բարեկարգման ֆինանսավորումը նախորդ տարվա համեմատ գրեթե կրկնակի կրճատվել է և այս տարի կկազմի ընդամենը 1 200 000 լարի, սակայն 300 000 լարիով ավելացել է «Մեստիայի մաքրման և բարեկարգման ծառայության» ֆինանսավորումը։
2023 թվականի բյուջեով նախատեսված է 500 հազար լարիով ֆինանասավորել նորաստեղծ «Երիտասարդական ինքնակառավարում» կազմակերպությունը։ Ձեռնարկատիրական ռեգիստրի համաձայն՝ կազմակերպությունը գրանցվել է 2022 թվականի նոյեմբերի 16-ին, այսինքն՝ 2023 թվականի բյուջեի հաստատումից մեկուկես ամիս առաջ։ Այս կազմակերպությունը 2022 թվականի բյուջեից ֆինանսավորվել է 50 հազար լարիով։ «Մեստիայի մունիցիպալիտետի երիտասարդական ինքնակառավարում» կազմակերպության տնօրենը Իրակլի Միքիանին է, իսկ խորհրդի անդամներն են՝ Լևանի Քոբալիան, Անա Չարթոլանին, Նինո Ուշխվանին, Եկատերինե Փալիանին, Մարիամ Գվարլիանին, Թեոնա Գոշթելիանին և Լաշա Ջափարիձեն։ Ըստ կանոնադրության՝ կազմակերպությունը հաշվետու է Մեստիայի մունիցիպալիտետի քաղաքապետին, իսկ քաղաքապետը կազմակերպության անմիջական վերահսկողն է։ Կազմակերպության նպատակներից է Մեստիայի մունիցիպալիտետի բնիկ երիտասարդների շրջանում ժողովրդավարության, օրենքի գերակայության, մարդու իրավունքների և ազատությունների սկզբունքների և արժեքների ամրապնդումը, երիտասարդների շրջանում թմրամոլության և մոլախաղերից կախվածության դեմ պայքարը, երիտասարդների զբաղվածության խթանումը, բարձր որակավորում ունեցող երիտասարդների ձևավորման աջակցությունը և այլն։
2021 և 2022 թվականների համեմատ «Svaneti Destination Management Organization Shan-Land»-ի ֆինանսավորումը եռապատկվել է և Մեստիայի մունիցիպալիտետի 2023 թվականի բյուջեից կստանա 450 հազար լարի։ Այս կազմակերպության տնօրենը Դավիթ Ժորժոլիանին է՝ Մեստիայի քաղաքապետ Կապիտոն Ժորջոլիանիի եղբայրը։
Մեստիայի մունիցիպալիտետի 2023 թվականի բյուջեում բնակչության առողջապահական պաշտպանության և սոցիալական ապահովության ֆինանսավորումը կազմում է 1 425 300 լարի, անցյալ տարի այն կազմում էր 831 300 լարի։ Այստեղից 100 000 լարի կհատկացվի բնական աղետներից տուժած ընտանիքներին օգնելու համար, 103 000 լարին՝ հաշմանդամների վերականգնողական կենտրոնի համաֆինանսավորման համար, և միայն 55 000 լարի՝ անօթևաններին բնակարաններով ապահովելու համար։
