Միացյալ Նահանգների ռազմաօդային ուժերի միացյալ շտաբի պետ, նախագահի, պաշտպանության նախարարի և Ազգային անվտանգության խորհրդի գլխավոր ռազմական խորհրդական, գեներալ Չարլզ Բրաունն ասել է, որ խորապես անհանգստացած է Վրաստանում Ռուսաստանի ազդեցությամբ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Միջազգային ընտրական վարչությունը պետք է նորովի անցկացնի ընտրությունները. Վաշաձե
Պաշտպանության նախարար Լլոյդ Օսթինի հետ մայիսի 20-ին Պենտագոնում ունեցած ճեպազրույցում գեներալին հարցրել են, թե արդյոք ՆԱՏՕ-ն կարող է ինչ-որ բան անել՝ օգնելու Վրաստանին դիմակայել իր ազդեցությունն ընդլայնելու Ռուսաստանի ջանքերին:
«Մենք խորապես մտահոգված ենք և նկատում ենք Ռուսաստանի ազդեցությունը Վրաստանում։ Մենք հավատարիմ ենք մնալու Վրաստանի ինքնիշխանությանը։ Անցյալ շաբաթ ես հանդիպեցի ՆԱՏՕ-ի իմ գործընկերների հետ։ Մենք անընդհատ խոսում ենք այն մասին, թե ինչպես ենք միասին աշխատում ինչպես ՆԱՏՕ-ի գործընկեր երկրների ինքնիշխանության, այնպես էլ Եվրոպայում անվտանգության ընդհանուր իրավիճակի շուրջ»,- ասել է նա։
Ինչ վերաբերում է հարցին, թե արդյոք Ռուսաստանի ազդեցությունը կազդի Վրաստանի՝ ՆԱՏՕ-ին անդամակցելու կամ դեպի ՆԱՏՕ ուղու վրա, գեներալ Բրաունի խոսքով՝ նա չի մասնակցում քաղաքական որոշումների կայացմանը։ «Բայց իմ կարծիքով՝ որպես զինծառայող, սա տարբեր երկրների, ինչպես նաև այդ երկրների քաղաքացիների անվտանգությունն ապահովելու համար է»,- ասել է գեներալը։
Միացյալ Նահանգների Պետդեպարտամենտը բազմիցս հայտարարել է, որ այսպես կոչված օտարերկրյա գործակալների մասին ռուսական օրենքը, որը մայիսի 14-ին ընդունվել է «Վրացական երազանքի» մեծամասնությամբ ձևավորված խորհրդարանի կողմից, Վրաստանին կդնի վտանգավոր հետագծի վրա, կսպառնա Վրաստանի եվրատլանտյան ճանապարհին և կխաթարի ԱՄՆ-Վրաստան հարաբերությունները։
