«Մենք պատրաստվում ենք շարունակել կրկնել մեր դիրքորոշումը, այն է՝ կարծում ենք, որ քննարկվող օրենքը Վրաստանին կդնի վտանգավոր հետագծի վրա: Դա կսպառնա Վրաստանի եվրատլանտյան ճանապարհին և կխաթարի ԱՄՆ-Վրաստան հարաբերությունները: Մենք կշարունակենք դա բացատրել, և նրանք իրենք որոշում կկայացնեն»,- մայիսի 6-ի ճեպազրույցում «Վրացական երազանքի» ռուսական օրենքի վերաբերյալ ասել է Միացյալ Նահանգների Պետդեպարտամենտի խոսնակ Մեթյու Միլլերը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Հարցին, թե արդյոք ԱՄՆ-ը դիտարկում է Բիձինա Իվանիշվիլիի և «Վրացական երազանքի» պատգամավորների դեմ որևէ գործողություն, Միլլերը պատասխանել է, որ Պետդեպարտամենտի պրակտիկան չէ նախապես որևէ բան հայտարարելը։ «Ես պարզապես չեմ պատրաստվում պատժամիջոցների մասին հայտարարություններ անել՝ կլինի դա կապված նրա հետ, թե ինչ կարող ենք անել, թե այն բանի հետ, թե ինչ ենք դիտարկում»,- ասել է Միլլերը։
Պետքարտուղարության ներկայացուցչին նաև հարցրել են, թե ինչո՞ւ է ԱՄՆ-ի համար նորմալ, որ ունենա օրենք օտարերկրյա գործակալների մասին, իսկ Վրաստանի, Ռուսաստանի համար՝ ոչ, որին Մեթյու Միլլերը պատասխանել է.
«Տարբերությունն այս օրենքների բնույթի մեջ է: Եթե նայեք ԱՄՆ օտարերկրյա ազդեցության գործակալների գրանցման ակտին (FARA), ապա այն վերաբերում է օտարերկրյա կառավարության անունից հանդես եկող մարդկանց, այլ ոչ թե օրինական ՀԿ-ների աշխատանք կատարողներին, մարդասիրական աշխատանք կատարողներին, քաղաքացիական հասարակության գործունեություն ծավալողներին: Սա շատ տարբեր բան է։ Ես նախկինում տեսել եմ այս կեղծ համեմատությունները: Վրաստանում ներկայացված և Կրեմլի ազդեցությամբ տարբեր երկրներում ընդունված առաջարկների տեքստերը շատ տարբեր են այն օրենքից, որը մենք ունենք այստեղ՝ ԱՄՆ-ում։
2024 թվականի ապրիլի 3-ին «Վրացական երազանքը» կրկին նախաձեռնեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ, բազմահազարանոց բողոքի ակցիաների արդյունքում ետ կանչվեց, և եղավ խոստում, որ երբեք չի ընդունվի։ Ռուսական օրենքը պահանջում է, որ անկախ լրատվամիջոցները և ոչ կառավարական կազմակերպությունները, որոնք աջակցություն են ստանում միջազգային հիմնադրամների դրամաշնորհներից և չեն վերահսկվում կառավարության կամ հարակից խմբերի կողմից, գրանցվեն որպես օտարերկրյա գործակալ: Չնայած հասարակության բողոքներին ու միջազգային կոչերին, «Վրացական երազանքը» օրենքի նախագիծը ետ չի կանչել խորհրդարանից և այն արդեն երկու ընթերցմամբ ընդունել է։
