Թբիլիսիի քաղաքային դատարանի դատավոր Զվիադ Ցեկվավան ընդդիմության առաջնորդներից մեկին՝ «Ախալի» կուսակցության համանախագահ Նիկա Գվարամիային օրինախախտ է ճանաչել և տուգանել 5000 լարիով։ Ներքին գործերի նախարարությունը Գվարամիային մեղադրել է նոյեմբերի 17-ին Թբիլիսիում ճանապարհը փակելու մեջ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«ՆԳՆ-ն բերեց անհայտ տիպի ապացույց։ Տեսանյութից նույնիսկ տարածքը պարզ չէր, Նիկա Գվարամիան պարզապես կանգնում է և դիմում հանրությանը։ Խախտման ապացույց չի ներկայացվել։ Նման պայմաններում անձի վրա պատասխանատվություն դնելը և տուգանք նշանակելը, անկասկած, անօրինական է»,- ասել է փաստաբան Բեքա Կվինիկաձեն։
Գվարամիայի իրավապաշտպանն ընդգծել է, որ անօրինական և կամայական որոշումներ են կայացվում պատժամիջոցների ենթարկված դատավորների կողմից։
Նոյեմբերի 17-ին ընդդիմության առաջնորդներն ու քաղաքացիները, ովքեր բողոքում էին խորհրդարանական ընտրությունների կեղծման դեմ և պահանջում էին նոր ընտրություններ, փակել էին Ճավճավաձեի պողոտան։ Նրանք վրաններ են տեղադրել Թբիլիսիի պետական համալսարանի առաջին մասնաշենքի մոտ և հայտարարել 24-ժամյա շարունակական ակցիայի մասին։
ՆԳՆ աշխատակիցները նոյեմբերի 19-ի լուսադեմին ուժի կիրառմամբ ցրել են խաղաղ ցույցը։ Ոստիկանությունը Ճավճավաձեի և Մելիքիշվիլիի պողոտաներում ձերբակալել է 16 հոգու, որոնց թվում էր «Մթավարի արխի» հեռուստաընկերության օպերատոր Սերգի Բարամիձեն, ով կատարում էր իր մասնագիտական պարտականությունը։
