თბილისის საქალაქო სასამართლოს მოსამართლე ზვიად ცეკვავამ ოპოზიციის ერთ-ერთი ლიდერი, პარტია „ახალის“ თანათავმჯდომარე ნიკა გვარამია სამართალდამრღვევად ცნო და 5000 ლარით დააჯარიმა. შინაგან საქმეთა სამინისტრო გვარამიას 17 ნოემბერს თბილისში გზის გადაკეტვის ორგანიზებას ედავებოდა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 ოპოზიციური პარტიები 24 ნოემბერს პარლამენტთან აქციას და ღამისთევას აანონსებენ
- 5 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 6 პარლამენტი აღარ არსებობს, რადგან ერთმა პარტიამ თავზე დაიხია კონსტიტუცია - ზურაბიშვილი
„შინაგან საქმეთა სამინისტრომ მოიტანა გაურკვეველი სახის მტკიცებულება. ვიდეომასალიდან ტერიტორიაც კი არ ირკვეოდა, ნიკა გვარამია უბრალოდ დგას და საზოგადოებას მიმართავს. სამართალდარღვევის დამადასტურებელი მტკიცებულება წარმოდგენილი არ ყოფილა. ასეთ პირობებში პირისთვის პასუხისმგებლობის დაკისრება და სახდელის დადება, რა თქმა უნდა, უკანონობაა“, - განაცხადა ადვოკატმა ბექა კვინიკაძემ.
გვარამიას უფლებადამცველმა ხაზი გაუსვა, რომ უკანონო და თვითნებურ გადაწყვეტილებებს დასანქცირებული მოსამართლეები იღებენ.
„თბილისის საქალაქო სასამართლოში ადმინისტრაციული სამართალდარღვევის საქმეებს ექვსი მოსამართლე განიხილავს. აქციების დაწყების დღიდან ექვსივე მოსამართლე მორიგეა, ანუ იმდენი საქმე აქვთ, ვერ აუდიან მათ განხილვას. ამ აქციების პერიოდში დაკავებული ადამიანების არცერთ საქმეში ქმედების ჩადენის მტკიცებულება წარმოდგენილი არ ყოფილა“, - აღნიშნა კვინიკაძემ.
17 ნოემბერს, ოპოზიციის ლიდერებმა და მოქალაქეებმა, რომლებიც საპარლამენტო არჩევნების გაყალბებას აპროტესტებდნენ და ხელახალ არჩევნებს ითხოვდნენ, ჭავჭავაძის გამზირი გადაკეტეს. მათ თბილისის სახელმწიფო უნივერსიტეტის პირველ კორპუსთან კარვები გაშალეს და 24 საათიანი უწყვეტი აქცია დაანონსეს.
შინაგან საქმეთა სამინისტროს თანამშრომლებმა მშვიდობიანი აქცია 19 ნოემბერს, გამთენიისას, ძალის გამოყენებით დაშალეს. პოლიციამ ჭავჭავაძისა და მელიქიშვილის გამზირებზე 16 პირი დააკავა, მათ შორის იყო ტელეკომპანია „მთავარი არხის“ ოპერატორი სერგი ბარამიძეც, რომელიც პროფესიულ მოვალეობას ასრულებდა.
