«Այս տարի էլ որոշեցին, որ ամբողջ տարին պետք է լռեմ, այսինքն՝ առանց երգելու, համերգների։ Պայքարում են ամենուր և բոլորի դեմ, ում դեմ կարող են: Այս Ամանորին էլ չեմ կարողանա ձեզ հետ լինել, քանի որ այստեղ էլ ջանք չեն խնայել։ Ցավոք, ոչ մի քաղաքում չենք կարողանա հանդիպել, հատկապես ցավալի է իմ Բաթումին»,- երաժիշտ Նինո Քաթամաձեն ասում է, որ վերջին մի քանի տարիներին կառավարության կողմից կազմակերպվող համերգներին իրեն չհրավիրելու պատճառը իր քաղաքացիական դիրքորոշումն է։
Լրահոս
Ընթերցողի ընտրանի
- 1 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 2 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 3 Ստանո՞ւմ ես ֆինանսավորման ավելի քան 20%-ը դրսից, հայտարարագրի՛ր․ Լավրովը՝ «Երազանքի» ռուսական օրենքի մասին
- 4 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 5 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 6 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
«Ո՞վ է որոշել։ Ո՞վ է որոշում ընդհանրապես: Կարծում եմ, որ մշակութային քաղաքականությունը պետք է ինքնուրույն գործի։ Երևի 4-5 տարի է՝ չեմ մասնակցել այս համերգներին։ Բայց դա խնդիր չէ։ Իմ հրապարակման նպատակը այն չէր, որ ասեի, թե ինչ սարսափելի է, որ երգելու հնարավորություն չունեմ։ Սրանով ես նկատի ունեի, որ այս խնդիրն արդեն շատ խորն է, գոյություն ունի վաղուց, շատ արվեստագետների մոտ:
Պատկերացրեք, երբ իմ դեմ են այսքան համարձակորեն և բացահայտ պայքարում, ի՞նչ է լինում այն մարդկանց հետ, ովքեր ուզում են ազատ լինել, ուզում են իրենց խոսքը հրապարակավ ասել, իսկ ընդհանրապես ազատ խոսելը խնդիր է։
Վերլուծում եմ, թե ինչու, օրինակ, մարդ կարող է իրավունք ունենալ պատժել այս կամ այն արտիստին։ Իմ դեպքում, հավանաբար, ես բացահայտ արտահայտում եմ իմ կարծիքը, քաղաքացիական դիրքորոշումը»,- «Ազատություն» ռադիոկայանին տված հարցազրույցում ասում է Նինո Քաթամաձեն։
Երաժշտի խոսքով՝ երբ ցանկանում է սեփական նախաձեռնությամբ համերգ կազմակերպել, էական խնդիրներ են առաջանում։
«Ինձ անձամբ ասել են, որ ինչ-որ ցուցակներ կան, ես այդ ցուցակներում չկամ։ Հիմա այս տարի ամանորյա համերգի ժամանակ կոնկրետ ակնարկ է եղել, որ ծրագրում կլինեն բոլորը՝ հանած Նինոն ու մի քանի այլ արտիստներ։
Այս խնդիրն էլ ավելի խորն է։ Նույնիսկ դահլիճներն են վերահսկում, քեզ դահլիճ կտան, թե ոչ։
Եթե դու ինքնուրույն դահլիճ ես ուզում, ասում են՝ զբաղված է, կամ նման քաղաքականություն է, գլխավորն այն է, որ այնքան են գանձում, որ պետք է գնաս պետությունից խնդրես»,- ասում է երաժիշտը։
Նինո Քաթամաձեն հաճախ է քննադատում «Վրացական երազանքին» և բացահայտորեն արտահայտում իր դիրքորոշումը հասարակական կարևոր իրադարձությունների վերաբերյալ։
Արդեն երկրորդ տարին է, ինչ երաժիշտը օգնում է պատերազմից հետո Վրաստան ժամանած հարյուրավոր ուկրաինացի երեխաներին՝ բարելավելու նրանց հոգե-էմոցիոնալ վիճակը արտ-թերապիաներով և տարբեր միջոցառումներով, որոնք ֆինանսավորում է իր հիմնադրամից։
