Վրաստանի գլխավոր դատախազությունը հաստատում է, որ ընթացիկ հետաքննության շրջանակներում կնքվել են խորհրդարանական ընտրություններում օգտագործված ընտրողների ստուգման մեքենաները։ Ինչպես հայտնել են քննչական գերատեսչությունից, նպատակը սարքերում առկա տեղեկատվության անվտանգության ապահովումն է։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
Հետաքննության օրինական նպատակն է դատարանի վճռի հիման վրա պահանջել ստուգող մեքենաներում պահվող տեղեկատվությունը, որն արտացոլում է ընտրատեղամասերում գրանցված ընտրողների տվյալները։
«Տեղեկատվության հարցումից հետո նախատեսվում է անցկացնել համակարգչային/տեխնիկական փորձաքննություն, որի շրջանակներում, ի թիվս այլ հարցերի, պետք է պարզվի, թե արդյոք եղել է ընտրողների կրկնօրինակում, ինչպես նաև, արդյոք արձանագրվում է արտերկրում գտնվող անձանց փոխարեն Վրաստանում քվեարկության դեպքեր»,- ասված է դատախազության տարածած հաղորդագրության մեջ։
Հոկտեմբերի 30-ին Կենտրոնական ընտրական հանձնաժողովի դիմումի հիման վրա գլխավոր դատախազությունը քրեական գործ է հարուցել ընտրակեղծիքների հոդվածով։ Մինչ նախաքննությունը, ընդդիմադիր կուսակցությունները ԿԸՀ-ից անարդյունք պահանջում էին հրապարակել ընտրություններին մասնակցած քաղաքացիների տվյալների բազան, որը պահվում է ստուգող մեքենաներում։ Ընդդիմության ներկայացուցիչները անվստահություն են հայտնում ընթացող հետաքննությանը և ենթադրում են, որ ցուցակները կեղծելու գործընթացում ներգրավված է նաև դատախազությունը։
