Ըստ ընդդիմադիր «Միացյալ ազգային շարժում» կուսակցության նախկին նախագահ, խորհրդարանի պատգամավոր Լևան Խաբեիշվիլիի, «Վրացական երազանքը» նախատեսում է հոկտեմբերի 26-ին կայանալիք ընտրությունների ժամանակ Չեչնիայի ղեկավար Ռամզան Կադիրովի հետ մտերիմ 300-500 «մկանոտ մարդկանց» բերել երկիր։
Լրահոս
Ընթերցողի ընտրանի
- 1 Ռուսաստանից ավելացած ներմուծումն ու թափված կարտոֆիլի բլրակները Ջավախքում
- 2 Հուլիսից ուսուցիչների աշխատավարձը կբարձրանա
- 3 Վրաց ժողովուրդը պայքարում է եվրոպական ապագայի համար, նա չպետք է պատժվի. Զուրաբիշվիլի
- 4 Գազային զենք ձեռք բերելու համար անհրաժեշտ կլինի ՆԳ նախարարության համաձայնությունը
- 5 Մոսկվան արձագանքել է Վրաստանի հետ դիվանագիտական հարաբերությունների վերականգնման հարցին
- 6 Պապուաշվիլիի ֆեյսբուքյան գրառումից մեկ ժամ անց ակտիվիստ Զուկա Բերձենիշվիլին հարձակման է ենթարկվել
Ինչպես ասել է Խաբեիշվիլին, հնարավոր է, հենց այս հարցն են քննարկել վարչապետ Իրակլի Կոբախիձեն և Թբիլիսիի քաղաքապետ Կախա Կալաձեն Գերմանիայում UFC-ի նախկին չեմպիոն Խաբիբ Նուրմագոմեդովի հետ հանդիպման ժամանակ։
«Իմ տեղեկություններով՝ այլ երկրներից մոբիլիզացվելու են 300-500 մկանուտ մարդիկ, որոնք հետո ընտրատեղամասերում կջարդեն ընդդիմադիր հայացքներ ունեցողների քիթուբերանները։ Հարցրեք Կալաձեին և Կոբախիձեին՝ արդյո՞ք նրանց այս հանդիպումը կապված չէր երկիր բռնարարներ բերելու հետ։ Թող մեզ ասեն, թե ինչի մասին են խոսել, աշխարհաքաղաքական թեմաներից որ չեն խոսել՝ մենք գիտենք»,- ասել է Խաբեիշվիլին։
Հունիսի 30-ին Նուրմագոմեդովը գտնվում էր Գերմանիայի Քյոլն քաղաքում, որտեղ ներկա էր Եվրոպայի առաջնության Վրաստան-Իսպանիա հանդիպմանը։ Դաղստանցի մարզիկը հանդիպել է նաև Վրաստանի վարչապետ Իրակլի Կոբախիձեի, Թբիլիսիի քաղաքապետ Կախա Կալաձեի և «Վրացական երազանքի» հիմնադիր Բիձինա Իվանիշվիլիի որդու՝ Ցոտնե Իվանիշվիլիի հետ։ Նրանց համատեղ լուսանկարները, որոնք արվել են սրճարանում, սոցիալական ցանցերում տարածել է հենց ինքը՝ Նուրմագոմեդովը։ Չնայած քննադատություններին, Կոբախիձեն ու Կալաձեն հանդիպման մասին պարզաբանում չեն արել։
«Վրացական երազանքի» պատգամավոր, խորհրդարանի փոխխոսնակ Գիա Վոլսկին արձագանքել է Լևան Խաբեիշվիլիի այսօրվա հայտարարությանը։ Նրա խոսքով՝ ընդդիմադիր քաղաքական գործիչը ստում է, և ցանկանում է «ընկալումներ ստեղծել»։
«Այն, ինչ ասում է Խաբեիշվիլին, մոտ չէ բանականությանը։ Նա սուտ է ասում, բայց ստում է շատ կարճ խելքով, և բոլորը լավ գիտեն, որ նրա խոսակցությունը իրականության հետ կապ չունի։ Չեմ կարծում, որ հանրությունը դրան կհավատա, այդ թվում՝ նրա կողմնակիցները»,- ասել է Վոլսկին։
Խաբիբ Նուրմագոմեդովը UFC-ի ամենատիտղոսակիր մարտիկներից է։ Նա կարիերան ավարտել է 2020 թվականի աշնանը։ UFC-ում մենամարտի ժամանակ Նուրմագոմեդովին երկրպագել են ինչպես Չեչնիայի առաջնորդ Ռամզան Կադիրովը, այնպես էլ ՌԴ նախագահ Վլադիմիր Պուտինը։
![Վրաստանի լուրեր](/images/a2.png#joomlaImage://local-images/a2.png?width=80&height=80)