Թբիլիսիում, սպորտի պալատում՝ մարտի 19-ին կայանալիք Ռուսական Bi-2 (БИ-2) ռոք խմբի համերգը չեղարկվել է։ Այսօր խումբը հրապարակել է թարմացված գրաֆիկ, որտեղ Քիշնևում և Երևանում նախատեսված համերգներից հետո Թբիլիսիի համերգը չի նշվում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ցավոք, օրեր առաջ Թբիլիսիում նախատեսված համերգը չի կայանա։ Միջոցառման տոմսերի բոլոր գնորդները կազմակերպիչներից 1-3 օրվա ընթացքում ետ կստանան գումարը այն նույն քարտով, որով կատարվել է գնումը»,- ասված է խմբի հաղորդագրության մեջ։
Տոմս վաճառող tkt.ge ընկերությունից «Վրաստանի լուրերին» հայտնել են, որ միջոցառման չեղարկման մասին ծանուցում են ստացել կազմակերպիչից։ Այս փուլում տոմսերի վաճառքը դադարեցվել է։
Bi-2-ը ծրագրում էր համերգ կազմակերպել Թբիլիսիում՝ «Hallelujah» համաշխարհային շրջագայության շրջանակներում։ Մարտի 10-ին համերգը տեղի կունենա Մոլդովայի մայրաքաղաք Քիշնևում, իսկ մարտի 17-ին՝ Հայաստանի մայրաքաղաք Երևանում։
Ռոք խումբը 2013 թվականին եղել է օկուպացված Աբխազիայում: YouTube-ում որոնվում է տեսանյութ, որից պարզվում է, որ 2013 թվականին Bi-2-ի անդամներ Եգոր Բորտնիկը և Ալեքսանդր Ումանը Աբխազիայի բնակիչներին հրավերով մասնակցել են Սոխումիում տեղի ունեցած համերգին։ 2008 թվականի օգոստոսյան պատերազմից հետո ընդունված «Օկուպացված տարածքների մասին» Վրաստանի օրենքի համաձայն, օտարերկրյա քաղաքացիներին թույլատրվում է Վրաստանի օկուպացված տարածքներ՝ Աբխազիա և Ցխինվալիի շրջան մուտք գործել միայն Զուգդիդիի և Գորիի մունիցիպալիտետներից։ Սույն կանոնը խախտելու դեպքում կիրառվում է տուգանք, կամ ազատազրկում 2-ից 4 տարի ժամկետով:
