Rusiyanın “Bi-2” (БИ-2) rok qrupunun martın 19-da Tbilisi İdman Sarayında keçirilməsi nəzərdə tutulan konserti ləğv edilib. Bu gün qrup yenilənmiş siyahı yayımlayıb, siyahıda artıq Tbilisidə konsertin olacağı anonsu yoxdur.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Hakim Çxikvadzeyə qoyulan sanksiyanın götürülüb-götürülməməsi ilə bağlı ABŞ səfirliyindən izahat gözləyirəm - Papuaşvili
- 6 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
“Təəssüf ki, bir neçə gün əvvəl Tbilisidə elan edilən konsert baş tutmayacaq. Tədbirin bütün bilet alıcıları 1-3 gün ərzində hansı kartla ödəniş etmişdilərsə, təşkilatçılar tərəfindən həmin karta məbləğ geri köçəcək”, - qrupunun yaydığı bəyanatda deyilir.
Bilet satışı ilə məşğul olan tkt.ge şirkətindən “Gürcüstan Xəbərləri”nə bildirilib ki, tədbirin ləğvi ilə bağlı təşkilatçıdan bildiriş alıblar. Bu mərhələdə biletlərin satışı dayandırılıb.
“Bi-2” "Hallelujah" dünya turnesi çərçivəsində Tbilisidə konsert verməyi planlaşdırırdı. Martın 10-da konsert Moldovanın paytaxtı Kişinyovda, martın 17-də isə Ermənistanın paytaxtı Yerevanda olacaq.
Rok qrupu 2013-cü ildə işğal olunmuş Abxaziyada olub. “YouTube”daki bir videodan aydın olur ki, 2013-cü ildə “Bi-2” üzvləri, qor Bortnik və Aleksandr Uman Abxaziya sakinlərini Suxumidə planlaşdırılan konsertə dəvət edirdilər. Gürcüstanın 2008-ci ilin avqust müharibəsindən sonra qəbul etdiyi “İşğal olunmuş ərazilər haqqında” qanununa əsasən xarici vətəndaşlara Gürcüstanın işğal olunmuş ərazilərinə - Abxaziya və Sxinvali vilayətinə yalnız Zuqdidi və Qori bələdiyyələrindən daxil olmağa icazə verilir. Bu qanunun pozulmasına görə cərimə və ya 2 ildən 4 ilədək azadlıqdan məhrumetmə cəzası nəzərdə tutulur.